Батыс Қазақстан облысының әкімі Нариман Төреғалиев Сырым ауданында қаза тапқан балалардың отбасына терең қайғыра көңіл айтты. Ресми жарияланымында ол бұл жағдайдың жеке бақылауында екенін және оқиға орнында барлық қажетті қызметтер жұмылдырылғанын мәлімдеді.
Әкімнің тапсырмасымен оқиға орнына дереу оның орынбасары аттанды. Аудан әкімі төтенше және тиісті қызметтердің жұмысын үйлестіріп отыр. Қазіргі уақытта оқиға орнында ТЖД, полиция департаменті, медицина қызметкерлері және басқа да ведомстволардың мамандары жұмыс істеуде.
«Әкімдік тарапынан барлық қажетті көмек көрсетіледі: жерлеу рәсімін ұйымдастыру, психологиялық қолдау көрсету, тұрғын үймен қамту және басқа да әлеуметтік қолдау шаралары қолға алынады», — деді Нариман Төреғалиев.
Сондай-ақ ол әрбір зардап шеккен адам мен қаза болғандардың отбасылары назарсыз қалмайтынын баса айтты.
Сіз жаңалықтар туралы не ойлайсыз