Jusan Garant қазақстандық кәсіпкерге каско бойынша сақтандырылған, өртенген жүк көлігі үшін 12,2 млн. теңге төледі.
Оқиға осы жылдың ақпан айының ортасында Солтүстік Қазақстан облысында болды. Өрт сөндіру қызметінің баянатынан қытайлық Howa өзі аударғыш жүк машинасын басқарған жүргізуші таңертең жергілікті асфальт-бетон зауытынан қиыршық тас алу үшін карьерге кеткені белгілі болды. Жолда ол балқыған электр сымдарының иісін сезеді. Тоқтап, көліктен шыққан жүргізуші кабинаның және корпустың арасындағы қозғалтқыш бөлігінің жанып тұрғанын көреді. Ол өртті сөндіргішпен өздігінен сөндіруге тырысады, бірақ жалын кабинаға және алдыңғы дөңгелектерге тарап кетеді.
Өрт сөндірушілер келгенде, кабина, қозғалтқыш, жанармай багы, алдыңғы дөңгелектер толығымен жанып кеткен болатын. Сарапшылар өрт көліктің қозғалысы кезінде газ шығару жүйесіне түскен бөгде заттың немесе қозғалтқыштың бетіндегі киіз жамылғысының жануы салдарынан болуы мүмкін екенін анықтады.
Жүк көлігінің иесі Jusan Garant-қа залалды өтеу туралы өтінішпен жүгінді. Тәуелсіз бағалау нәтижелері бойынша өзі аударғыш жүк машинасы қалпына келтірілмейді. Дәлірек айтсақ, оны жөндеуге болатын еді, бірақ жөндеу клиент өз көлігін сақтандырған сомадан екі есе дерлік артық тұрар еді. Каско полисі бойынша ең жоғары өтем 14 млн. теңгені құрады. Jusan Garant сақтандырылушыға сақтандыруда көзделген 300 мың теңгелік франшизаны және клиент өзіне қалдырған бір жарым миллион теңгелік жарамды қалдықтарды шегергенде, 12,2 млн, теңге мөлшерінде залалды өтеді.
«Автокөлікті жөндеу техникалық жағынан қиын және экономикалық тұрғыдан мүмкін емес еді. Сондықтан сақтандыру жағдайы жаппай деп танылды және біздің клиентке каско полисі болмаса, өз қалтасынан өтеуге тура келетін залалдың орнын толтыруға кепілдік берілді. Айтпақшы, ол сақтандыруды қаңтар айының соңында ресімдеген, ал үш аптадан кейін оның көлігі өртеніп кетті, – деп атап өтті «Jusan Garant» Басқарма төрағасының бірінші орынбасары Рамазан Асилов. – Бұл сақтандыру жағдайы касконың өрт кезінде ғана емес, сонымен қатар ЖКО, табиғи апаттар немесе тонау сияқты бірқатар басқа жағдайларда өзін ақтайтынын көрсетеді.»
Сіз жаңалықтар туралы не ойлайсыз