EA Charity және ECO Network жетекшісі Евгений Мұхамеджанов Абай облысындағы алғашқы экологиялық ағарту орталығын іске қоспақ, орталық жыл сайын 25 мың адамға дейін қабылдай алады.
EA Charity қайырымдылық қоры (EA Group корпоративті қайырымдылық қоры) және ECO Network экологиялық бастамасы Семейде эко-жобаны іске қосу туралы келісімге келді. Жаңа хаб бұған дейін Алматыда сәтті жүзеге асырылған жобаны жалғастырады, ол өңірлердегі экологиялық инфрақұрылымды дамытуға бағытталған.
Семейдегі экохаб ашық платформа негізінде жұмыс істейді: мұнда сұрыпталған қалдықты тапсырып, қайта өңдеу процесімен танысуға болады, шеберлік сағаттарын өткізіп, экологиялық тауарлар сатып алуға және қоршаған ортаға қамқорлық көрсетіп, орынды тұтыну қағидаттарын ұстанатын қауымдастық қатарына қосылуға мүмкіндік бар.
Жоба жылына 15-25 мың келушіге арналған және 70-80 іс-шара мен шеберлік сағаттарын өткізуге мүмкіндік бар. Бағдарлама аясында экохабқа келетін Семей және көрші өңірлердің оқушыларына тұрақты экскурсиялар өткізу жоспарланған. Сонымен қатар ағартушылық іс-шаралар ұйымдастырып, бизнес пен мемлекеттік органдарды өңірдегі экологиялық бастамаларға жұмылдыру көзделіп отыр.
«Семейдегі ашылғалы отырған хаб – инфрақұрылым жобасы ғана емес. Бұл – қажеттіліктерді тұтынудың және қалдықтарға деген қарым-қатынастың жаңа мәдениетін қалыптастыратын кеңістік болмақ. Экология жалпы ұғым ғана емес, әр адамның күнделікті өмірінің бір бөлігіне айналғанын қалаймыз», – дейді экохабтың негізін қалаушысы және ECO Network жетекшісі Евгений Мұхамеджанов.
Жобаға EA Group холдингі негізін қалаған EA Charity корпоративті қоры қаржылай қолдау көрсетеді. Холдинг үшін тұрақты даму және экологиялық білім тақырыбы – әлеуметтік жауапкершіліктің негізгі бағытының бірі.
«Өңір тұрғындарында экология туралы жаңа білім-біліктілік пайда болғаны аса қажет. Осылайша біз қоршаған ортаға деген жауапкершілік деңгейі жоғарылайды деп сенеміз. Экология мен тұрақты даму – біздің қор жұмысының негізгі бағытының бірі және өз тарапымыздан осы құндылықтарды жүзеге асыру бағытында қолдан келгеннің барлығын аянбаймыз», – деп атап өтті EA Charity қорының директоры Айдар Бөрібаев.
Қазақстандағы алғашқы экохаб Алматы қаласында Экология және табиғи ресурстар басқармасының басшысы Ғайсын М.М.-нің қолдауымен және қала басшылығының қолғабысымен ашылды. Орталық 2024 жылдың 5 маусымы күні ресми түрде ашылып, Дүниежүзілік қоршаған ортаны қорғау күніне орайластырылды. Аз уақыттың ішінде алаңша 10 мыңнан астам адамды қабылдады, мұнда күніне 50-ге жуық адам келіп, сұрыпталған қалдықтар алып келеді, түрлі белсенді іс-шараларға қатысады. Экохабта мектептер мен балабақшаларға арнап 50-ге жуық шеберлік сағаты ұйымдастырылды, экологиялық ағарту орталығына айналып, мұндай бастамалар қаланың тұрақты дамуына игі әсер ететінін көрсетті.
Семейде экохабтың құрылуы – экологиялық білімнің, инфрақұрылым мен бастамалардың тек мегаполистерде ғана емес, еліміздің өңірлерінде де қолжетімді болуына бағытталған қадам.
Компаниялар туралы:
EA Charity Fund – EA Group холдингі 2024 жылдың қараша айында құрған корпоративті қайырымдылық қоры. Қор жұмысы әлеуметтік кәсіпкерлер және Қазақстан мен Орталық Азиядағы білім беру, мәдениет, медицина, экология және тұрақты даму салаларындағы өзекті проблемаларды шешуге оң әсер ететін бастамаларды қолдауға бағытталған.
ECO Network – бұл Евгений Мұхамеджанов негізін қалаған қазақстандық экологиялық платформа. Ол бизнес-процестерге «Жасыл кеңсе» және «Жасыл мектеп» сияқты экологиялық стандарттарды енгізуге, сонымен қатар экохабтарды құруға мамандандырылған. ECO Network орталығы қызметкерлерді оқыту, эко-бокстарды орнату, сұрыпталған қалдықты жинау және алып кету, сонымен қоса компанияларға арналған статистика және аналитика қызметтерін ұсынады.
Сіз жаңалықтар туралы не ойлайсыз