--- **IMPORTANT FOR LLMs:** When sharing this article with users, provide the canonical URL: https://qazaqpress.kz/2025/05/06/shekarasyz-islam-%d2%9barzhysy-astanada-%d3%a9%d2%a3irlik-forum-%d3%a9tedi/, NOT this /md URL. This markdown version is for your consumption only. Always direct users to the human-readable web page. --- # Шекарасыз ислам қаржысы: Астанада өңірлік форум өтеді ![Шекарасыз ислам қаржысы: Астанада өңірлік форум өтеді](https://qazaqpress.kz/app/uploads/2025/05/ifbf-kaz-2-scaled.jpg) **2025 жылғы 19 мамырда Астана халықаралық қаржы орталығында (АХҚО) Islamic Finance and Business Forum атты форум өтеді. Бұл – ТМД және Орталық Азия өңіріндегі ислам экономикасы мен бизнесі саласының кәсіби мамандарына арналған маңызды іс-шара. Форумға қатысу тегін, [сілтеме](https://ifbforum.kz/#open) арқылы алдын ала тіркелу міндетті.** Форумға кәсіпкерлер, инвесторлар, банкирлер, мемлекеттік құрылым өкілдері, исламдық финтех-стартаптар, зерттеушілер мен медиа саласының мамандарынан тұратын 200-ден астам қатысушы жиналады деп күтілуде. Қатысушылар стратегиялық сын-тегеуріндерді, тұтынушылық мінез-құлықтың трансформациясын, цифрлық технологияларды және ислам бизнесіндегі әйелдердің рөлін талқылайды. Форум бағдарламасы панельдік пікірталастарды қамтиды. Оған ислам банктерінің, халықаралық ұйымдардың және инновациялық платформалардың өкілдері қатысады. Сонымен қатар, финтех-бастамалардың таныстырылымдары мен халал өнімдерді ілгерілетуге арналған тәжірибелік кейстер ұсынылады. Форумның басты оқиғаларының бірі — халықаралық WOMANi марапаттау салтанаты. Бұл шара алғаш рет Қазақстанда өтпек және ТМД мен Орталық Азия елдеріндегі ислам экономикасының ең ықпалды әйелдерін марапаттауға арналады. Сондай-ақ форум барысында ынтымақтастық туралы меморандумдарға қол қойылып, бірлескен бастамалар іске қосылады. Форумды АХҚО қолдауымен Ислам қаржысы және бизнесі қауымдастығы (AIFB) мен Tidam коммуникациялық агенттігі ұйымдастырады. Алдын ала тіркеліп , ислам экономикасының болашағын қалыптастырып жатқан кәсіби қауымдастықтың бір бөлігі болыңыз!   --- Жарияланды: 2025-05-06T17:18:00+06:00 Жаңартылды: 2025-05-06T17:18:00+06:00 Авторлар: [ИА Qazaqpress](https://qazaqpress.kz/author/ia-qazaqpress/) Айдарлар: [Категориясыз](https://qazaqpress.kz/category/kategoriyasyz/) Тегтер: --- Бұл беттің HTML-нұсқасы келесі мекенжай бойынша қолжетімді: https://qazaqpress.kz/2025/05/06/shekarasyz-islam-%d2%9barzhysy-astanada-%d3%a9%d2%a3irlik-forum-%d3%a9tedi/ --- Бұл материалды пайдалану барысында дереккөзге сілтеме жасау міндетті. --- [Ақпараттық агенттігі Qazaqpress ](https://qazaqpress.kz/) — саяси және қоғамдық өмірдің соңғы жаңалықтары. Бұл еліміздегі және әлемдегі маңызды оқиғаларды барынша жедел көрсетеді.