АСТАНА. «Қазақстан» телерадиокорпорациясына қарасты «Balapan» телеарнасы 1 мамырдан бастап «Желаяқ» атты толықметрлі анимациялық фильмін еліміздің кинотеатрларында көпшілік назарына ұсынады, деп хабарлайды qazaqpress.kz.
Фантастикалық элементтерге толы туындының басты кейіпкері — ерекше қабілетке ие 6 жастағы Әлем. Фильмнің оқиғасы Әлемнің бойындағы айрықша күшті иемденгісі келген зұлым Мыстанмен күресінен бастау алады. Басты кейіпкер қоғамды зұлымдықтан қорғау жолында шынайы батырлыққа қадам басады.
«Бұл жоба арқылы біз өмірлік құндылықтарды жеткізуді мақсат еттік. Мультфильмде жақсылық пен жамандықтың күресі, адалдық пен ізгіліктің жеңісі суреттеледі. Сондай-ақ, ғылыми фантастика элементтері балалардың ой-қиялын дамытуға ықпал етеді. Жалпы, «Желаяқ» — қазақ мифологиясының заманауи бейімделуі», — дейді жобаның шығармашылық тобы.
«Желаяқ» фильмі еліміздің барлық өңіріндегі кинотеатрлар желісінде 1 мамырдан бастап көрсетіледі.
Сіз жаңалықтар туралы не ойлайсыз