AIF 2025 форумына қатысатынын растағандардың қатары беделді халықаралық спикерлермен толықты

АСТАНА, Қазақстан — 2025 жылы өтетін Astana International Forum (AIF 2025) – әлемдік көшбасшылар мен шешім қабылдаушылардың жаһандық мәселелерді талқылайтын басты алаңы болмақ. Форумға қатысатынын растап, жаңа халықаралық спикерлер қатарға қосылды.

Форумға қатысатынын растаған жаңа тұлғалар қатарында:

• Мұхаммед Жамил Әл-Рамахи – Masdar компаниясының бас директоры (БАӘ),

• Франческо Ла Камера – IRENA (Халықаралық жаңартылатын энергия агенттігі) бас директоры,

• Ги Сидос – Vicat компаниялар тобының төрағасы және бас атқарушы директоры,

• Акихико Танака – Жапония Халықаралық ынтымақтастық агенттігінің (JICA) президенті,

• Саня Божиновска – Солтүстік Македонияның энергетика, тау-кен өнеркәсібі және минералдық шикізат министрі,

• Кристоф Хойсген – Елші, Мюнхендегі қауіпсіздік конференциясының төрағасы,

• Чарльз Пауэлл – Элькано корольдік институтының директоры,

• Ларс-Хендрик Рёллер – Berlin Global Dialogue негізін қалаушы және төрағасы,

• Федерика Могерини – Еуропа колледжінің ректоры, ЕО дипломатиялық академиясының директоры,

• Лорд Фрэнсис Моуд – Ұлыбритания Парламентінің Лордтар палатасының мүшесі,

• Патрик Уоркинг – Google компаниясының Орталық және Шығыс Еуропа бойынша вице-президенті,

• Бесар Дурмиши – Солтүстік Македонияның экономика және еңбек министрі,

• Нұра Әл-Фассам – Кувейттің қаржы министрі және экономика мен инвестициялар министрі,

• Лоран Сент-Мартен – Францияның сыртқы сауда және шетелдегі азаматтар істері жөніндегі министр-делегаты.

Astana International Forum 2025 – әртүрлі салалардың көшбасшылары мен сарапшыларын біріктіріп, жаһандық сын-қатерлерге бірлесіп жауап беруге және тұрақты шешімдер ұсынуға бағытталған халықаралық диалог алаңы болып табылады.