18 сәуір 2025 жыл, Алматы, Қазақстан. EFES Kazakhstan компаниясы Efes Art Space арт-платформасында жаңа көрме маусымының басталғанын хабарлайды. Маусым “Zat” атты экспозициямен ашылады. Көрмеге Қазақстанның 13 заманауи суретшісі қатысады.
“Zat” жобасы адамды қоршаған заттық әлемге арналады. Мұнда заттар тек күнделікті тұрмыста қолданылатын бұйымдар ретінде емес, мағына, эмоция және тарих тасымалдаушысы ретінде қарастырылады. Экспозицияда кескіндеме, керамика, жиһаз, зергерлік бұйымдар, жарық инсталляциялары және өнер мен дизайн тоғысқан өзге де объектілер ұсынылады.
Куратор Оля Веселова:
«Бұл көрме – таныс заттардың сөзден де көп нәрсе айта алатынын ұғынуға арналған ойтолғау. Біз функционалдық пен эстетика, күнделіктілік пен көркемдік баяндау арасындағы шекараны зерттейміз. “Zat” – таныс нәрсеге жаңаша қарауға шақыру»
Көрме қатысушылары: Алтынай Байжан, Анна Паркина, Алина Друзик, Алексей Карамзин, Антон Афанасьев, Галия Садвокасова, Гаухар Касенбай, Даник Удербек, Илья Дериглазов, Лайла Жарқын, Муратбек Турбай, Syldyr жобасы және Шакир Шекер.
Әрбір жұмыс – дәстүрмен, мәдениетпен, жекелік естелікпен және бүгінгі шындықпен жүргізілген диалог. Шығармалар арқылы суретшілер болмыс, тұрмыс және уақыт туралы сұрақтарға жауап іздейді.
EFES Kazakhstan компаниясының маркетинг жөніндегі директоры Зейнеп Эркан Альп:
«Efes Art Space қатысушыларының еңбектерінен үнемі шабыт аламыз. Әр жоба қабылдау мен ойлау қабілетіміздің жаңа өлшемін ашады. “Zat” көрмесі – тек өнер ғана емес, бізді қоршаған әлеммен заттар арқылы жүргізілетін ішкі диалог туралы»
“EFES Kazakhstan” бас директоры Эртан Курт:
«Efes Art Space – бұл біздің құндылықтарымыз бен мәдени диалогты құруға ұмтылысымыздың көрінісі. Біз өнердің адамдарды біріктіретін, жаңа дүниелерді шабыттандыратын және ұрпақтар мен мәдениеттер арасындағы көпір болатын күші бар деп есептейміз. Жаңа маусым — Қазақстандағы заманауи өнердің тұрақты экожүйесін қалыптастыру жолындағы тағы бір қадам»
Efes Art Space туралы
Efes Art Space — EFES Kazakhstan компаниясының тұрақты даму стратегиясы аясында құрылған тәуелсіз арт-платформа. Жоба – жас және тәжірибелі суретшілердің, дизайнерлердің, кураторлар мен мәдениет менеджерлерінің басын қосатын креативті орталық. Оның мақсаты — шығармашылық бастамаларды қолдау, индустриялар, өңірлер мен ұрпақтар арасындағы диалогты кеңейту, сондай-ақ жергілікті арт-қауымдастықты дамыту.
Жаңалықтар мен хабарламаларды Instagram парақшасынан бақылаңыз: @efesartspace
Көрме өтетін орын: Орталық Көрме залы
Мекенжайы: Желтоқсан көшесі, 137
Көрме мерзімі: 17 сәуір – 18 мамыр 2025 жыл (дүйсенбі демалыс)
EFES Kazakhstan компаниясы туралы қысқаша ақпарат
EFES Kazakhstan — Түркиялық Anadolu Efes компаниясының қазақстандық филиалы. Anadolu Efes — Еуропадағы көлемі бойынша бесінші және әлемдегі оныншы ірі сыра өндіруші. Компания 1997 жылы Қазақстан нарығына келіп, тұтыну тауарлары саласындағы алғашқы ірі инвесторлардың біріне айналды.
Бүгінде EFES Kazakhstan Қарағанды және Алматы облыстарындағы екі зауытында жылына 245 миллион литр сыра өндіреді. Компанияда 1000-нан астам қызметкер жұмыс істейді, ал өнім портфеліне 17 бренд кіреді, олардың қатарында «Кружка Свежего», «Белый Медведь», сондай-ақ Efes Pilsener, Corona Extra, Miller Genuine Draft, Velkopopovický Kozel сынды әлемдік атаулар бар.
1998 жылдан 2024 жылға дейін компания Қазақстан экономикасына 345 млн АҚШ доллары көлемінде инвестиция салып, 293 млрд теңге салық пен міндетті төлемдерді төледі.
Сіз жаңалықтар туралы не ойлайсыз