Алматы қаласындағы онкологиялық орталықтың хирургтары 74 жастағы науқасқа бір мезгілде өңеш пен сол жақ бүйрекке күрделі отаны сәтті жасады. Науқасқа өңеш пен бүйректегі қатерлі ісіктерді қамтитын бастапқы синхронды қатерлі ісік диагнозы қойылған болатын.
Сирек кездесетін мұндай синхронды ісіктер – медицинада күрделі диагностикалық әрі емдік міндет саналады. Олар кешенді тәсілді, мұқият тексеруді және кәсіби жоспарлауды талап етеді.
Егжей-тегжейлі тексеру мен медициналық консилиумнан кейін дәрігерлер субтотальды өңеш резекциясы мен сол жақ бүйректі толық алып тастау (нефрэктомия) операцияларын бір уақытта жасауды жөн көрді.
Операцияны онкохирургия бөлімінің меңгерушісі Нұрлан Балтаев жүргізді.
🩺 Өңеш резекциясы кезінде хирургтер зардап шеккен тіндерді дәл бөліп алып, тағамның өтуі үшін жаңа жол жасап, отадан кейінгі асқынулардың алдын алуға тырысты.
🩺 Нефрэктомия кезінде негізгі міндет – бүйрек тамырларын сақтау, қан жоғалтуды азайту және қалған бүйректің жұмысын толық қамтамасыз ету болды.
Операция төрт сағатқа созылды және сәтті өтті.
Отадан кейінгі кезеңде науқас дәрігерлердің бақылауында болып, қажетті терапия қабылдады. Енді ол үшінші диспансерлік топ бойынша бақылауға алынған. Бұл жүйелі тексерулерді, алдын алу шараларын және рецидивтің алдын алуға бағытталған терапияны қамтиды.
Сіз жаңалықтар туралы не ойлайсыз