Алматы халықаралық әуежайының терминалында Қазақстандағы алғашқы жануарларға арналған арнайы аймақ пайда болды. Бұл бірегей жобаны Mars Қазақстан компаниясы жүзеге асырды, ол кеңістікті толықтай жабдықтап, үй жануарлары мен олардың иелері үшін барынша жайлы орта ұйымдастырды.
Енді мысықтар мен иттерімен саяхаттайтын жолаушылар барлық қажетті қолайлы жағдайларды пайдалана алады. Арнайы аймақта WHISKAS®, PERFECT FIT® және PEDIGREE® тегін азықтары, сондай-ақ үй жануарларына арналған таза ауыз су қарастырылған. Иелеріне жануарларды қысқа мерзімге орналастыруға арналған желдетілетін шкафтар ұсынылады, бұл оларға рейсті күту кезінде өз істерімен айналысуға мүмкіндік береді.
«Үй жануарларына арналған арнайы аймақтың енгізілуі жолаушылар мен олардың жануарларына күтім жасау бойынша халықаралық стандарттарға сай келеді, осылайша саяхатшылар үшін қолайлы орта қалыптастырады. Алматы халықаралық әуежайы инфрақұрылымды дамытуды жалғастырып, барлық жолаушылар санатына жаңа ыңғайлы мүмкіндіктер енгізу және қызмет көрсету сапасын жақсарту бағытында жұмыс істеуде», – деп мәлімдеді әуежай өкілдері.
Сонымен қатар, үй жануарларына арналған арнайы дәретхана да жабдықталған, бұл терминалда ұзақ уақыт болған кезде аса маңызды болып табылады.
«Алматы халықаралық әуежайының терминалында Қазақстандағы алғашқы үй жануарларына арналған арнайы аймақтың ашылуы – жануарларымен бірге саяхаттайтын жолаушылар үшін жайлы әрі достық орта құру жолындағы маңызды қадам. Біздің миссиямыз – үй жануарлары үшін ең жақсы әлемді жасау, сондықтан біз жануарлардың адамдар өмірінің, соның ішінде саяхаттар кезінде ажырамас бөлігі болуын қалаймыз. Қазіргі заманғы саяхатшылар өздерінің төрт аяқты достары үшін қолайлылық күтетінін жақсы түсінеміз, сондықтан Алматы халықаралық әуежайымен бірлесіп, осы жобаны жүзеге асырғанымызға өте қуаныштымыз. Бұл жоба – үй жануарлары мен олардың иелерінің өмір сапасын жақсартуға бағытталған жаһандық бастамамыздың бір бөлігі. Алматы әуежайындағы бұл кеңістік жануарларға қамқорлық пен жайлылықтың жаңа орнына айналады», — деп айтты Mars Қазақстан компаниясының үй жануарларына арналған азық-түлік санатын дамыту бөлімінің жетекшісі Наргиза Имрамзиева.
Mars Қазақстан компаниясы Алматы халықаралық әуежайымен бірлесіп, үй жануарлары мен олардың иелерінің жайлылығына қамқорлық жасауды жалғастыруда, саяхаттарды олар үшін жеңіл және ыңғайлы етуде.
Сіз жаңалықтар туралы не ойлайсыз