Кибершабуыл көбейген сайын Қазақстандағы бизнестің хакерлер кесірінен мәлімет жоғалту қаупі арта түсті. Әсіресе, компаниялардың бухгалтерлік және қаржылық жүйелерінде тәуекел көп, хакерлер сонда жиі шабуылдайды. Осынау қауіп-қатерге жауап ретінде Halyk Bank-тің еншілес ұйымы – Kazteleport компаниясы OnlineSecurity сервисін іске қосты. Бұл – қаржы платформаларымен, 1С жүйесімен қорғалған әдіспен жұмыс істеуді қамтамасыз ететін еліміздегі алғашқы жүйе.
DDoS-шабуылдардан қорғаныс қызметін ұсынатын жетекші компаниялардың зерттеуінше, 2024 жылдың екінші тоқсанында ТМД елдеріне жасалған кибершабуылдар саны 2023 жылдың тиісті мерзімімен салыстырғанда 2,6 есе көбейген. Қазақстан осы көрсеткіш бойынша аймақтағы елдердің арасында екінші орында тұр – барлық кибершабуылдың 8 пайызы елімізге бағытталған. Хакерлер көбінесе зиянкес бағдарламалық қамтамасыз ету (65 пайыз) және әлеуметтік инженерия әдістерін (53 пайыз) қолданған. Сондай шабуылдардың 35 пайызында жеке мәліметтер қолды болды. Егер бұған дейін алаяқтар банк жүйелерін бұзуға тырысса, қазір басты көздегендері кәсіпкерлер, бухгалтерлер және жетекшілер секілді клиенттердің өздері болып отыр.
«Біздің байқауымызша, кибершабуылдар салдарынан бизнеске көп тәуекел-қатер туындауда. Банк жүйелері қорғалған, дегенмен, алаяқтар клиенттерге шабуылдаудың әдісін тауып отыр. Сондықтан қаржы операцияларын бақылап қана қоймай, қауіпсіз жұмыс ортасын қалыптастыру да маңызды», – дейді Kazteleport басқарма төрағасының орынбасары Алексей Калинников.
Аккаунттарды бұзу, мәліметтердің қолды болуы, төлем жүйелеріне шабуылдар – мұның барлығы қаржылай және беделдік тәуекелдер туындатады. OnlineSecurity бизнесті дәл осындай қауіптерден сақтау үшін арнайы құрылған. Ол Kazteleport серверлерінде орналастырылған қорғалған қашықтықтағы жұмыс үстелі принципімен жұмыс істейді. Соның нәтижесінде шабуылдау мен мәліметтердің қолды болу тәуекелдерін азайтуға мүмкіндік туады.
Платформада қауіпке мониторинг, әлсіз тұстардың анализі және автоматтандырылған қорғаныш механизмдерінің соңғы үлгідегі технологиялары біріктірілген. Оның баптауы аса күрделі емес, ал компания мамандары түрлі күдікті жағдайларға жылдам назар аударып, ықтимал шабуылдардың алдын алуға көмектеседі. Сонымен қатар, сервис жеке ерекшеліктерге бейімдендірілген және Қазақстан нарығының өзекті тәуекелдері ескерілген.
Сарапшылар қолжетімді және тиімді киберқорғаныс құралдарына деген сұраныс артып келе жатқанын айтады. Компанияларға жасалатын шабуылдар көбеюде, ал олардың барлығы бірдей қауіпсіздік мамандарын штатта жұмыспен қамтамасыз ете алмайды. OnlineSecurity сервисі осы проблеманы шешіп, кез келген саладағы бизнеске арналған дайын өнімді ұсынады. Сервисті қазірдің өзінде орта бизнес өкілдері енгізуде, ал шағын бизнеске арнап оқу-үйрету іс-шаралары өткізілуде.
Жобалаушылар алдағы уақытта сервисті жетілдіруді көздеп отыр. Таяу күндері қызмет аясы кеңейіп, қосымша бухгалтерлік бағдарламалармен және бұлттық платформалармен кіріктіру секілді қызметтер қосылады деп күтілуде. Сонымен қатар, компания киберқауіпке мониторинг жасауға арналған сараптамалық құралдарды күшейтуді жоспарлап отыр.
Компания турады
«Kazteleport» АҚ – Halyk Bank-тің еншілес ұйымы және Қазақстандағы ІСТ-шешімдер мен киберқауіпсіздік бойынша жетекші провайдерлердің бірі, компания бизнес және қаржы ұйымдарына арналған сенімді инфрақұрылыммен қамтамасыз етеді.
Сіз жаңалықтар туралы не ойлайсыз