Қазіргі заманғы білім беруде жылдамдық пен тұрақты қосылу басты рөл атқарады. Қазақ ұлттық өнер университеті Huawei және IRON SHELL қолдауымен өз желілік инфрақұрылымын жаңартып, болашаққа қадам басты. Енді университет жоғары жылдамдықты интернетпен жабдықталып, студенттер, оқытушылар және зерттеушілер үшін тұрақты қосылым қамтамасыз етілді.
Бұрын аудиториялар мен жатақханаларда тұрақсыз интернет мәселесі байқалып, қашықтықтан оқыту мен білім беру платформаларымен онлайн жұмыс істеуге қиындық туғызатын. Huawei технологияларына негізделген жаңа желі бұл мәселелерді шешті. Wi-Fi 6 және талшықты-оптикалық магистральді пайдалану қосылу жылдамдығын айтарлықтай арттырып, тіпті ең жоғары жүктеме кездерінде де желіге түсетін ауырлықты азайтты.
«Қазақ ұлттық өнер университеті – Қазақстандағы кампус желісі толығымен Huawei шешімдеріне негізделген алғашқы жоғары оқу орны. Бұл жоба озық технологиялардың оқу үдерісінің жылдамдығын, қауіпсіздігін және ыңғайлылығын қалай арттыра алатынын көрсетеді. Біз жаңартылған желі студенттер мен оқытушылар үшін жаңа мүмкіндіктер ашып, цифрлық білім беруді дамытудағы маңызды қадам болатынына сенімдіміз», – деп атап өтті Олжас Қалықов, Huawei, Technologies Kazakhstan компаниясының желілік шешімдер жөніндегі менеджері.
Ерекше назар қауіпсіздікке аударылды. Орнатылған Huawei USG 6555 желілік экрандары киберқауіптерден қорғауды қамтамасыз етеді, ал WPA2 протоколы қауіпсіз сымсыз қосылымға кепілдік береді. Нәтижесінде университет тек жылдам интернетке ғана емес, сонымен қатар сенімді деректер қорғанысына да ие болды.
Жаңа мүмкіндіктер де пайда болды. Енді аудиторияларда смарт-тақталарды және заманауи бейнеконференция жабдықтарын қолдануға болады. Бұл онлайн-дәрістер, халықаралық жоғары оқу орындарымен бірлескен жобалар және қашықтықтан оқытудың тиімділігін арттыру үшін жаңа перспективалар ашады.
«Біз ҚазҰӨУ инфрақұрылымын жаңғыртуға үлес қосқанымызға қуаныштымыз. Біз цифрлық трансформацияны шынайылыққа айналдыратын сенімді және инновациялық шешімдер жасауға тырысамыз. Бұл жоба – байланыс сапасы мен білім беру мүмкіндіктерін жақсартуға әкелген тиімді серіктестіктің тамаша үлгісі», – деп мәлімдеді Жандос Оралов, IRON SHELL ЖШС жоба жетекшісі.
Жоба оқу орнының қажеттіліктерін талдаудан бастап жабдықты орнатып, тестілеуге дейін бірнеше кезеңде жүзеге асырылды. Барлық кезеңдер техникалық қиындықтарға қарамастан уақытында орындалды.
Huawei, IRON SHELL және Қазақ ұлттық өнер университетінің ынтымақтастығы бұл жобамен шектелмейді. Болашақта кампустың қосымша аймақтарына желіні кеңейту, ресурстарды басқаруға арналған интеллектуалды шешімдерді енгізу және зерттеу қызметі үшін бұлттық платформаларды дамыту жоспарлануда.
Бұл жоба оқытуды ыңғайлы, қолжетімді және тиімді ете отырып, заманауи технологиялардың білім беру ортасын түрлендіре алады.
Сіз жаңалықтар туралы не ойлайсыз