Көктемде күн мен түн теңелетін Наурыз мерекесіне орай inDrive Алматы қаласындағы жүргізушілерден алынатын комиссияны алып тастады. Акция екі айға созылады. Бұл шара мереке маусымында жүргізушілердің табыс табуына қолдау көрсетуге мүмкіндік береді, ал жолаушылардың жеке істерін бітіру үшін керек жеріне жылдам әрі қауіпсіз жетуіне жағдай жасайды.
Акция 3 наурыз бен 1 мамыр аралығында барлық қалалық сапарларды қамтиды және қосымшада автоматты түрде іске қосылады. Оны белсендіру үшін ешқандай қосымша әрекет қажет емес. Комиссияның алып тасталуы жолаушылардың жол жүру ақысына әсер етуі мүмкін, бұл Алматыдағы қосымша пайдаланушыларына жағымды тосынсый болмақ.
Көктем мерекелері қарсаңында сервис бірқатар мерекелік іс-шараларды да жоспарлап отыр. Оның ішінде ұлттық нақышта безендірілген көліктер байқауы, Наурыз күндері жүргізушілерге дәстүрлі тағамдар мен дәмділер тарату, сондай-ақ Рамазан айында ауыз бекіткен жүргізушілерге құрма мен су үлестіру шаралары бар.
Сондай-ақ, сервис сапасы мен қауіпсіздігін арттыру жұмыстары аясында Алматыда жыл басынан бері жұмыс істеп келе жатқан жүргізушілерге техникалық көмек көрсету кеңсесі ашылды. Ол демалыссыз жұмыс істейді. Мұнда серіктес жүргізушілер қосымшаның жұмысы, аккаунтты басқару, жедел верификация және қаражатты шығару секілді техникалық мәселелер бойынша көмек ала алады.
Қазақстандағы inDrive-тің кантри менеджері Арай Бекембаев: “Алматы – Қазақстандағы inDrive-тің негізгі қалаларының бірі. Мұнда біз қосымшаның жаңа мүмкіндіктерін сынақтан өткізіп, сервисімізді үнемі жетілдіріп отырамыз. Комиссияны алып тастау – жаңа жүргізушілерді біздің ерекше модельді сынап көруге ынталандыру тәсілі. Бұл модель жүргізушілер мен жолаушыларға сапар құнын әділ түрде өзара келісуге мүмкіндік береді. Ал біздің тұрақты жүргізушілеріміз үшін бұл қосымша табыс табу мүмкіндігі. Жақын арада алматылықтарға тағы да бірнеше жаңашылдық дайындап отырмыз”, – деді.
Сіз жаңалықтар туралы не ойлайсыз