FlyArystan Рамазан айындағы жолаушыларға арнайы жиынтық ұсынады

Қасиетті Рамазан айында, 2025 жылдың 1-30 наурызы аралығында, FlyArystan әуекомпаниясы өз жолаушыларына ерекше қамқорлық және қолдау көрсетеді.

Әуекомпанияның 17:00-ден 18:00-ге дейін ұшатын барлық рейстерінде ораза ұстаушыларға ауызашарға арналған тегін жиынтық ұсынылады. Жиынтық құрамында құрма, су және талқан бар (талқан тек бірқатар рейстерде қолжетімді).

Сондай-ақ, Рамазан айы кезінде сапарларды одан әрі жайлы ету мақсатында, FlyArystan ауызашарға арналған арнайы мәзірге алдын ала тапсырыс беруге мүмкіндігін ұсынады. Алдын ала тапсырысты FlyArystan мобильді қосымшасы арқылы немесе flyarystan.com сайтында, «Біздің қызметтер» → «Брондауды өзгерту» → «Қосымша қызметтер сатып алу» бөлімінде рәсімдеуге болады.