Халықаралық әйелдер күні қарсаңында Wildberries зерттеу орталығы әртүрлі ТМД елдеріндегі брендтің 12 мыңға жуық тұтынушылары арасында мерекеге көзқарастары жайында әлеуметтік зерттеу жүргізді.
Сауалнама нәтижелері көрсеткендей, бұл елдердің барлығы 8 наурызды кеңінен тойлайды екен: көшбасшы ретінде Қазақстан мен Армения (86-87%), одан кейін Өзбекстан (83%) тұр. Дегенмен Қазақстанда мерекеге көбірек көңіл бөлінетіні анықталды. Осылайша, сауалнамаға қатысқан ерлердің 90%-ы 8 наурызда сый-сыяпат жасауды жоспарлап отырғандарын хабарлады.
Қазақстан бойынша ең көп сыйлық аналарға берілмек – 77%. Ерлердің үштен екісі әйелдеріне немесе құрбыларына, ал 34%-ы әпкелеріне, 33%-ы қыздарына, және аз да болса әжелері мен әріптестеріне сыйлық дайындайтындарын атап өтті.
Ерлердің көпшілігі мерекелік сыйлыққа 27 мыңнан 55 мың теңгеге дейін жұмсауды жоспарлап отыр. Ал жауап берушілердің 15%-ы жақындары үшін 160 мың теңгеге дейін қомақты сома жұмсауға дайын. Ерлердің алатын ең танымал сыйлықтары қатарына гүлдер (58%), косметика және парфюмерия (37%), сондай-ақ тұрмыстық заттар мен тәттілер кірді.
Бір қызығы, жауап берушілердің тек 22%-ы зергерлік бұйымдарды сатып алуды жоспарлайды екен, ал нәзік жандылардың 37%-ы оны сыйлық ретінде алғысы келеді.
Қазақстанда жартысынан сәл астамы (сауалнамаға қатысқандардың 51%-ы) 8 наурыз мерекесін әйелдікпен, әйелдерге деген қамқорлық пен құрметпен байланыстырады. Сауалнамаға қатысқандардың жартысы (әйел болсын, ер болсын) бұл күнді гүлдермен және жақындарына сыйлықтармен, 40%-ға жуығы қуанышпен, көктеммен және жаңарумен байланыстыратынын айтты.
Сауалнама 2025 жылдың ақпан айында РВБ зерттеу орталығында (Wildberries және Russ бірлескен компаниясы) жүргізілді.
Wildberries және Russ бірлескен компаниясы (OOO «РВБ») — Ресейде құрылған халықаралық технологиялық компания. Ол нарықтың екі көшбасшысы – Wildberries IT-компаниясы мен сыртқы жарнама операторы Russ-тың бірігуінің нәтижесінде жаңа цифрлық сауда алаңын бірлесіп құру және қатысушы елдерінде шағын және орта бизнесті дамыту үшін үздіксіз құралдармен қамтамасыз ету мақсатында құрылды.Қазіргі таңда бірлескен компания Ресей, Армения, Беларусь, Грузия, Қазақстан, Қырғызстан және Өзбекстан елдерінде, сондай-ақ тауарлар импортталатын Қытайда жұмыс істейді.
Сіз жаңалықтар туралы не ойлайсыз