Visa (NYSE: V) финтех секторындағы инновациялық жобаларды белсенді түрде дамытып, стартаптарға технологияларды ұсынуға, қаржыландыруды тартуға және өсуді жеделдетуге көмектеседі.
2024 жылдың қазан айында цифрлық төлемдер индустриясының жаһандық көшбасшысы Visa Ұлттық төлем корпорациясы және MOST Business Intelligence-пен бірге MOST Ventures қолдауымен Fintech Stars байқауын өткізді. Екінші орынды штаттан тыс қызметкерлермен жұмысты автоматтандыруға арналған платформа — Рartners Pay қазақстандық стартап еншіледі. Жүлде ретінде стартап командасы Дубайдағы Visa инновациялық орталығына бару және Visa қаржылық технологияларын дамыту саласындағы жетекші сарапшылармен кездесу мүмкіндігін алды. 2025 жылдың ақпан айында Partners Pay өкілдері Visa экожүйесімен танысу және алдыңғы қатарлы төлем технологияларын зерттеу үшін Дубайға барды.
«Дубайдағы Visa инновациялық орталығына барар алдында біз Visa финтехнологиялық экожүйесін тереңірек түсініп, жобамызға біріктіруге болатын технологияларды анықтаймыз деп күттік. Бұл сапар компания үшін жаңа белес болды. Біз өз жұмысымызды кеңейтуге көмектесетін бірегей аналитика мен стратегиялық нұсқауларға қол жеткіздік. Біздің жобаға жеке көңіл бөлу ерекше құнды болды – әрбір Visa сарапшысы біздің мүмкіндіктерімізді және компания алдында тұрған қиындықтарды егжей-тегжейлі талдады», — деді Partners Pay негізін қалаушы және өнім менеджері Азамат Жарылқасын.
«Қазақстан – біздің өңірдегі Visa үшін негізгі нарықтардың бірі. 30 жылдан бері біздің компания осы елде табысты жұмыс істеп, финтех индустриясын белсенді қолдап, дамытып келеді. Бұл стратегиялық бағыт жергілікті компаниялармен әріптестікті нығайтуға және заманауи технологияларды енгізу арқылы экономикалық өсуге ықпал етуге мүмкіндік береді. Осы жұмыстың аясында біз жыл сайын финтех стартаптары үшін Visa Everywhere Initiative жаһандық байқауын өткіземіз, гранттар береміз және олардың дамуына мүмкіндіктер жасаймыз. Біз мұндай бастамалар инновацияларды ынталандырып, кәсіпкерлер үшін жаңа мүмкіндіктер ашып қана қоймай, сонымен қатар қазақстандық финтех стартаптарына халықаралық аренада танылуына көмектесетініне сенімдіміз. Олардың жетістігі бүкіл саланың дамуына, Қазақстанның аймақтағы қаржылық технологиялар орталығы ретіндегі ұстанымын нығайтуға ықпал етеді», — деді Visa Direct қызметінің Украинадағы, Грузиядағы, ТМД және Оңтүстік-Шығыс Еуропадағы басшысы Санжар Сүлейманов.
Visa инновациялық орталықтардың жаһандық желісі тұтынушылар мен серіктестерге жеті жылдан астам уақыт бойы пайдаланушыға бағытталған шешімдерді әзірлеуге көмектесіп келеді. Дубай орталығы Орталық және Шығыс Еуропаның, Таяу Шығыс пен Африканың стартаптарына қолдау көрсетіп, оларға қолма-қол ақшасыз экономика үшін өнімдер жасауға көмектеседі.
Орталықтың мүмкіндіктеріне негізгі Visa трендтері мен технологияларымен танысу, кейінгі тестілеу арқылы цифрлық өнімді әзірлеу және пилоттық іске қосуды жоспарлау, сондай-ақ прототиптеу және UX тестілеу кіреді.
Сапар барысында Partners Pay командасы B2B шешімдерін кеңейту үшін Visa Commercial Solutions, Visa Virtual Cards және Visa Fleet-пен жұмыс істеу мүмкіндіктерін зерттеді және Partners Pay стратегиялық бастамаларды жүзеге асыруда, соның ішінде халықаралық нарықтарға шығуда қолдау көрсете алатын мамандармен қарым-қатынас орнатты.
«Visa CEMEA сапары біз үшін тәжірибе алмасу ғана емес, дамуға деген серпін берді. Visa-мен серіктестікте біз виртуалды карталарды шығаруды және B2B бизнесімізді кеңейтуді жоспарлап отырмыз және халықаралық нарықтарға шығуға дайындалып жатырмыз. Жоғары деңгейдегі ұйымдастыру үшін және жан-жақты қолдау үшін Visa компаниясына алғыс айтамыз», — деп атап өтті Partners Pay.
Visa туралы
Visa (NYSE: V) – цифрлық төлемдер индустриясының әлемдік көшбасшысы. Visa 200-ден астам елдер мен аумақтардағы тұтынушылар, бизнес, қаржы институттары және үкіметтер арасындағы төлем транзакцияларын өңдейді.
Біздің міндетіміз – тұтынушылардың ыңғайлылығына және бизнес пен экономиканың өркендеуіне көмектесу үшін инновациялық, ыңғайлы, сенімді және қауіпсіз төлем желісі арқылы әлемді қосу. Біз экономикадағы барлық адамдар үшін қолжетімділікті кеңейту бүкіл әлемдегі адамдардың әл-ауқатын арттыруға көмектеседі және болашақта қаржының жаһандық қозғалысы үшін негіз болады деп сенеміз. Толығырақ: https://www.visa.com.kz/. (https://www.visa.com.kz/)
Сіз жаңалықтар туралы не ойлайсыз