Кәсіпкерлердің ілгерілеуіне кең мүмкіндіктер ұсына отырып TikTok Қазақстандағы шағын және орта бизнесті қолдап келеді. Өткен жылы платформа «Атамекен» ұлттық кәсіпкерлер палатасының қолдауымен #ҚазақстандаЖасалған байқауын бастаған еді. Бұл бастама өз ісі мен оның ел үшін маңыздылығы жайлы бөліскісі келетін жергілікті кәсіпкерлерді біріктірді.
Еліміздің түкпір-түкпіріндегі кәсіпкерлер жобаның хэштегі бойынша бейнероликтер жариялап, өз оқиғаларымен бөлісті. Олардың үздіктері «Әлеуметтік бизнес», «Экологиялық кәсіпкерлік», «Жастар бизнесі» және «Бір ауыл, бір өнім» сынды төрт номинация бойынша іріктелді. Әр санат жеңімпаздары Қазақстанның бизнесі мен экономикасын дамытуға қосқан үлесі үшін марапат ретінде iPhone 16 Plus ие болды. Сіздерді жеңімпаз кәсіпкерлермен жақынырақ таныстырмақшымыз.
Әлеуметтік бизнес
Екатерина Руфф «Әлеуметтік бизнес» номинациясы бойынша ерекше балаларды бейімдеумен айналысатын «Амалия» бейімдеу орталығының (https://www.tiktok.com/@centr_amaliya) жобасымен жеңімпаз атанды. Жоғалған функцияларды қалпына келтіруге бағытталған оңалтудан айырмашылығы абилитация (бейімдеу) балаларға күнделікті өмірге бейімделуге көмектесетін жаңа дағдылар мен машықтарды дамытуға бағытталған. Орталық төрт қалада жұмыс істейді: Астана, Алматы, Қарағанды және Қостанай. Өз бейнелерінде Екатерина әлеуметтік бизнестің балалардың әлеуетін ашуға, өзіне деген сенімділікке ие болуға және қоғамға сәтті кірігуге қалай көмектесетінін көрсетті.
Экобизнес
«Экологиялық кәсіпкерлік» номинациясында Маңғыстау облысының тұрғыны Нұрқия Бекниязова жеңіске жетті. Ол қайталама шикізатты жинау және сұрыптаумен айналысатын «ITprof сервис» кәсіпорнының директоры. Жоба қоршаған ортаны сақтауға және тұрақты бизнес шешімдерді енгізуге бағытталған.
Компания Ақтауда қалдықтарды сұрыптау жүйесін алғашқы болып енгізіп отыр. Жоба аясында қала бойынша пластикті бөлек жинауға арналған 400-ден астам контейнер орнатылған. 8 жыл ішінде кәсіпорын 10 мың тоннадан астам қайталама шикізатты жинап, сұрыптап, өңдеуге жіберген.
TikTok-тың арқасында Нұрқия өз бастамасына назар аудартып, экологиялық кәсіпкерліктің маңыздылығын көрсетті және өзгелерді бизнеске жауапкершілікпен қарауға шабыттандырды.
Жастар бизнесі
«Жастар бизнесі» санатында Жаңаөзеннің 23 жастағы тұрғыны Дүйсенғали Нұржан Ozen Sabyn (https://www.tiktok.com/@ozen_sabyn/video/7453162449882189062?_r=1&_t=ZM-8saMBdsNF13) жергілікті сабын өндіру жобасымен жеңімпаз атанды. TikTok кәсіпкерге брендті ілгерілетуге, жаңа клиенттер табуға және ассортименттің кеңейгені жайлы әңгімелеуде көмектеседі. Платформаның арқасында Нұржан өз өнімінің танымалдылығын арттырумен қатар басқа да жас кәсіпкерлерді өздерінің бизнес-бастамаларын құруға шабыттандырады.
Ауыл бизнесі
«Бір ауыл, бір өнім» номинациясында Шығыс Қазақстан облысы Быструха ауылының тұрғыны Полина Троеглазова жеңіске жетті. Қыз — төртінші буындағы омарташы, атасының тәжірибесін белсенді қабылдап, отбасылық бизнесті жалғастырып келеді.
Оның жобасы (https://vm.tiktok.com/ZMk2rALEW/) ауыл бизнесін қолдауға және жергілікті тауарларды ілгерілетуге бағытталған. Полина табиғи бал негізінде бірегей өнімдерді жасау арқылы қолөнер дәстүрлерін сақтау мен дамытудың маңыздылығын көрсетеді. Оның жобасының мақсаты — табиғи крем-бал өндіру, оған тек аймақта өсетін табиғи ингредиенттер қосылады. Олардың арасында қарағай жаңғағы мен итмұрын бар, бұл өнімді дәмді әрі пайдалы етеді.
Полинаның айтуынша, оның жобасы омартаға экскурсиялар ұйымдастыруға және бал өндіру процесін көрсетуге мүмкіндік беру арқылы агротуризмнің дамуына ықпал етуі мүмкін. Сонымен қатар, аймақтағы бизнесті дамыту ауылдық жерлердің экономикалық өсуіне ықпал ететін жаңа жұмыс орындарын ашады.
Сіз жаңалықтар туралы не ойлайсыз