Тұтынушылық электроника және ақылды өндіріс саласындағы жетекші компания Xiaomi Қазақстанның ірі онлайн-сауда алаңдарының бірі Kaspi.kz платформасында Xiaomi Store ресми дүкенінің ашылуын хабарлайды.
Енді қазақстандық пайдаланушылар Kaspi.kz арқылы Xiaomi өнімдерін оңай және ыңғайлы түрде сатып алып, сенімді платформаның артықшылықтарын, сондай-ақ оның Kaspi Red және Kaspi рассрочка (бөліп төлеу) сияқты ыңғайлы сервистерін пайдалана алады. Жаңа дүкен Xiaomi компаниясының смартфондарын, киілетін электроникасын, ақылды гаджеттерін және құрылғыларын қоса алғанда, құрылғылардың кең ауқымын ұсынады.
Kaspi.kz платформасында Xiaomi ресми дүкенінен сатып алынатын өнімнің түпнұсқалығына, ресми кепілдікке және сервистік қызмет көрсету қолжетімділігіне кепілдік береді. Бұдан басқа пайдаланушылар жеңілдіктер, арнайы науқандар және бөліп төлеудің ерекше шарттары секілді тиімді ұсыныстарды пайдалана алады.
«Kaspi.kz платформасында Xiaomi ресми дүкенінің ашылуы — бұл Қазақстандағы Xiaomi үшін маңызды қадам. Біз өз пайдаланушыларымызға Xiaomi өнімдерін сатып алудың ыңғайлы және сенімді тәсілін қамтамасыз етуге тырысамыз, ал Kaspi.kz платформасымен ынтымақтастық біздің клиенттерімізге бұрынғыдан да қолайлы жағдайларды ұсынуға мүмкіндік береді», — деп Xiaomi Қазақстан бас директоры Чжан Хао мырза атап өтті.
«Біздің басымдығымыз — қазақстандық пайдаланушыларға сапалы өнімдер мен сервистерді ұсыну. Біз Kaspi.kz платформасындағы ресми дүкеннің сатып алуды бұрынғыдан да қолжетімді және жайлы етуге көмектеседі деген сенімдеміз», — депТМД-дағы Xiaomi басшысы Ма Чуньгуан мырза қосты .
Сонымен бірге Xiaomi білікті қолдау, жөндеу және құрылғыларға қызмет көрсетуді ұсына отырып, Қазақстанда сервистік желіні дамытуды жалғастыруда. Компанияның барлық сервистік орталықтары сертификатталған, сондай-ақ пайдаланушыларды сатудан кейінгі сапалы сервиспен қамтамасыз етеді.
___________________________________________
Xiaomi компаниясы туралы
Xiaomi корпорациясы 2010 жылғы сәуірде құрылды және 2018 жылғы 9 шілдеде Гонконг қор биржасының Басты тақтасында тіркелді (1810.HK). Xiaomi — бұл тұтынушылық электроника және «ақылды» құрылғыларды шығаратын компания, оның негізінде IoT платформасымен қосылған смартфондар мен «ақылды» жабдықтар жатыр.
Xiaomi «пайдаланушылармен достасып, олардың жүрек түкпіріндегі ең керемет компания болу» туралы көзқарасын ұстанып, үнемі инновацияларға, жоғары сапалы пайдаланушы сервисіне және операциялық тиімділікке ұмтылады. Компания инновациялық технологияның арқасында әлемдегі барлық адамдарға өмірден ләззат алуға мүмкіндік беру мақсатында таңғажайып өнімдерді адал бағамен тынбай жасайды.
Xiaomi смартфондардың өндірісі бойынша әлемдегі жетекші компанияларының бірі болып табылады. 2024 жылғы маусымда компанияның MAU бүкіл әлем бойынша шамамен 675,8 млн пайдаланушыға жетті. Сонымен қатар компания әлем бойынша жетекші AIoT (AI+IoT) тұтынушылық платформасын құрды, оған 2024 жылғы 30 маусымдағы жағдай бойынша шамамен 822,2 млн смарт-құрылғы (смартфондар, ноутбуктер мен планшеттерді қоспағанда) қосылды. Xiaomi өнімдері әлемнің 100-ден астам елі мен аймағында ұсынылған. 2024 жылғы тамызда Xiaomi алты жыл қатарынан Fortune Global 500 тізіміне кірді.
Xiaomi Hang Seng индексінің, Hang Seng China Enterprises индексінің, Hang Seng TECH индексінің және Hang Seng China 50 индексінің құрамына кіреді.
Сіз жаңалықтар туралы не ойлайсыз