Алматы қаласында Қазақстан Республикасы Денсаулық сақтау министрлігінің қолдауымен ұйымдастырылған 2-ші Қазақстан фармацевтикалық форумы өтті.
Форумда саланың реттеуші органдары, халықаралық және жергілікті өндірушілер мен дистрибьюторлар фармацевтика саласын дамытудың ағымдағы үрдістерін, сондай-ақ елдің инвестициялық тартымдылығына әсер ететін факторларды талқылады. Қатысушылар инвестициялық әлеуетті дамытудың негізгі шарттары ретінде зияткерлік меншікті қорғау және тұрақты заңнаманы, сондай-ақ дәрілік заттарды тіркеу үдерісін жеделдетуді атады.
ҚР Денсаулық сақтау вице-министрі Ержан Нұрлыбаев 7 жыл ішінде фармацевтика саласына салынған инвестиция көлемі 10 есеге жуық өскенін хабарлады. Сондай-ақ ол үкіметтің отандық өнім үлесін 50 пайызға жеткізуге ұмтылысын атап өтті.
Ержан Нұрлыбаев, ҚР Денсаулық сақтау вице-министрі: «Қазақстанның 2029 жылға дейінгі ұлттық даму жоспарында әлемдік фармацевтикалық корпорациялармен ынтымақтастықты кеңейту және инвестиция тарту, технологиялар мен соңғы әзірлемелерді трансферттеу, елімізде өндірісті оқшаулау шаралары қарастырылған. Біз үшін инвесторларды тарту маңызды, біз отандық тауар өндірушілермен локализацияны толық циклге дейін тереңдетуге және өзара міндеттемелерді күшейтуге бағытталған инвестициялық келісімдер жасау арқылы бас келісім-шарттардың көлемі мен ауқымын кеңейтуді жоспарлап отырмыз. Сондай-ақ, ҚР Денсаулық сақтау министрлігінің қызметкерлері ең маңызды ұсыныстар портфолиосын қалыптастырумен және фармацевтика саласын дамыту жобаларын әзірлеумен айналысатын жобалық кеңсе құрды».
Ең маңызды пікірталастардың бірі инновациялық фармацевтикалық компаниялардың бас директорларымен өткен сессияда болды. Топ-менеджерлер мемлекет пен халықаралық ойыншылардың ынтымақтастығы инновациялық препараттардың қазақстандық нарығына қол жеткізуді жеделдетуге және елде клиникалық сынақтар өткізуге қалай көмектесетінін талқылады.
Қазақстандағы «АстраЗенека» басшысы Мария Шипулева өз сөзінде соңғы жылдары мемлекет пен инновациялық фармацевтикалық компаниялар арасында, әсіресе өмірлік маңызы бар препараттарды келісім-шартпен өндіру саласында ынтымақтастықтың артқанын атап өтті. Оның айтуынша, Қазақстанда келісім-шарт өндірісі бойынша жасалған келісім аясында компания бірден үш ауруды – созылмалы бүйрек ауруы, жүрек жеткіліксіздігі және 2 типті қант диабетін емдеуге арналған инновациялық препараттың бірінші партиясын жеткізуді жоспарлап отыр.
Мария Шипулева сонымен қатар «АстраЗенека» қазақстандық медицина қауымдастығы мен шетелдік мамандар арасындағы ғылыми өзара әрекеттестікті дамытуға белсенді түрде ықпал ететінін атап өтті. 2024 жылы компания екі нақты клиникалық тәжірибелік зерттеулері бастады: созылмалы бүйрек ауруларын емдеудің қазіргі тәсілдерін талдауға бағытталған жергілікті зерттеу және мақсаты 2 типті қант диабеті, гипертония, жүрек жеткіліксіздігі және созылмалы бүйрек ауруы бар науқастарды басқару мен емдеу сапасын бағалау болып табылатын халықаралық iCareMe регистрі. Қазақстанда бұл зерттеуге 8 медициналық орталық пен 18 зерттеуші қатысып жатыр. Сонымен қатар, осы жылы «АстраЗенека» елде созылмалы бүйрек ауруы және жоғары протеинурия бар емделушілерде дәрілік комбинацияның қауіпсіздігі мен тиімділігін бағалайтын ZODIAC клиникалық зерттеудің 3-кезеңін бастайды. Мария Шипулева компанияның келісім-шарттық өндіріс пен ғылыми зерттеулерге жалпы инвестициясы 8 миллиард теңгеден асады деп хабарлады.
Инвестициялық тартымдылықты арттыру, инновациялық шешімдерді енгізу және озық медициналық әзірлемелерге қол жеткізуді жақсарту мақсатында ынтымақтастықты кеңейту алдағы жылдардағы басым міндеттер болып қала береді. Форум реттеуші және фармацевтикалық компаниялар арасындағы ынтымақтастық пен диалогты нығайтудың маңыздылығына тоқталып, денсаулық сақтау саласындағы болашақ табыстар мен жетістіктердің негізін қалады.
«АстраЗенека» компаниясы туралы
«АстраЗенека» – онкология, кардиология, нефрология және метаболизм, респираторлық және аутоиммундық аурулар мен сирек кездесетін аурулар сияқты терапевтік салаларында рецепт бойынша берілетін дәрілерді ашуға және дамытуға бағытталған жаһандық, инновациялық биофармацевтикалық компания. Кембриджде (Ұлыбритания) орналасқан AstraZeneca компаниясы 100-ден астам елде қызмет етеді және оның инновациялық дәрілерін бүкіл әлем бойынша миллиондаған пациенттер пайдаланады.
Сіз жаңалықтар туралы не ойлайсыз