Бүйректің созылмалы ауруы еліміздегі өлім-жітімнің негізгі факторларының бірі болып табылады.
Ол жыл сайын ондаған миллион адамның өмірін қиады, мүгедектікке, еңбекке жарамсыздықтың негізгі себептерінің бірі, қымбат терапияны қажет ететін экономикаға ауыр салмақ түсіреді. Әлемдік статистика деректері бойынша созылмалы бүйрек ауруының жаһандық таралуы шамамен 11-13% құрайды. Бүйректің созылмалы жеткіліксіздігі негізгі болжамдарының бірі-егде жас: пациенттердің шамамен 38% — ы 65 жастан асқан. Сондықтан бұндай науқастардың созылмалы қосалқы аурулары қатар жүреді,- дейді сарапшылар.
«Бүйректің созылмалы жеткіліксіздігі негізгі себебіне қарамастан үш айдан астам уақыт бойы бүйрек құрылымының немесе олардың функцияларының зақымдануы байқалатын патологиялық жағдай болып табылады. БСЖ жіктемесі бес кезеңнен тұрады. Әлемдік сарапшылар 2040 жылға қарай бүкіл әлемде БСЖ салдарынан болатын өлім-жітім саны екі еседен астам артады деп болжап отыр. Бұл фактілер алаңдатады. Қант диабеті, гипертония және семіздік аурулардың жаһандық ауыртпалығына елеулі үлес қосады және БСЖ қатерінің дәстүрлі факторлары болып табылады», — деді № 7 қалалық клиникалық аурухананың нефролог-дәрігері Лаура Гаражаева.
Еліміздегі сарапшы дәрігерлердің мәліметіне сүйенсек, қазіргі уақытта 9 мыңнан астам отандасымыз гемодиализ процедурасына жүгінеді. Мұндай науқастардың саны жыл сайын артып келеді, — дейді мамандар. Статистика деректері 2024 жылғы наурыз айындағы жағдай бойынша бүйрек трансплантациясын жасатуға шамамен 3600 қазақстандық кезекте тұрғанын мәлімдейді. Трансплантацияны күту парағында тұрған пациенттердің 90% -ға жуығы бүйректі ауыстырып қондыруды қажет етеді. Өкінішке орай, талай адам кезегіне жете алмайды, — дейді мамандар.
«БСЖ дерті байқалмай өтеді және жиі кейінгі асқынған кезеңдерде белгі береді, диагноз кеш қойылады. Пациенттер көбінесе дәрілік препараттар мен ББҚ-ларды бақылаусыз қолданумен айналысады және өздеріне гемодиализ, аптасына кемінде үш рет 4-5 сағаттық қан тазарту рәсімі немесе бүйрек трансплантациясы қажет болғанда кәсіби көмекке жүгінеді. Өмiр салтын өзгертудi, гликемия мен артериялық қысымды (АҚ) бақылауды, нефропротективтi терапияны қолдануды қамтитын БСЖ ерте диагностикалау, алдын алу СБЖ-нің өршуiн бәсеңдетуi және жүрек-қан тамырлары ауруларының қаупiн төмендетуi мүмкiн. Бұл көптеген пациенттер үшін жағдайдың жақсаруына үміт артуға мүмкіндік береді, соның ішінде гемодиализ қажеттілігін кейінге қалдыруға және адамдарға сапалы әрі толыққанды өмір сүруге мүмкіндік береді», — деп атап өтті Лаура Гаражаева.
Осыған байланысты, бүйректің созылмалы ауруы (БСА), бүйрек ауруларының өзекті проблемалары және оларды ерте анықтау қажеттілігі туралы хабардарлықты арттыру мақсатында № 7ҚКА жанындағы емхананың алғашқы медициналық-санитарлық көмек дәрігерлері, терапевттер, эндокринологтар, кардиологтар үшін оқыту семинары өткізілді. Жыл сайын наурыздың екінші бейсенбісінде атап өтілетін Дүниежүзілік бүйрек күніне орай семинар ұйымдастырылды. Семинарда дәріс оқыған А.С.Асфендияров атындағы ҚазҰМУ нефрология және гемодиализ кафедрасының қолдауымен № 7 ҚКА-ның нефролог –дәрігері Л.Ш. Гаражаева.
Сіз жаңалықтар туралы не ойлайсыз