Никотиннің бір дозада 60 мг-ға дейін жететін мөлшерін қамтитын снюс жасөспірімдер арасында ерекше танымал болуда. Қазақстанның бас санитар-дәрігері Жандарбек Бекшиннің айтуынша, бұл зат токсин болып табылады және оны жеңіл есірткілер санатына жатқызу қажет. Мұндай заттар нейротоксикалық бұзылыстарды, тәуелділікті туындатып, өлімге әкелуі мүмкін. Сондықтан Қазақстанда олардың тасымалдануына және сатылуына тыйым салынған.
Снюстың сатылымына тыйым салынғанына қарамастан, Жаңа адамдардың «StopTOX» азаматтық науқанының белсенділері Алматыдағы снюс сатылатын нүктені анықтады. Ол — Абай көшесі, 177а мекенжайындағы қарапайым азық-түлік дүкені болып шықты.
Дүкенде рейдке қатысқан белсендінің біріне тыйым салынған снюстың бір қорабы ашық түрде, артық сұрақсыз сатылды. Бақылау сатылымнан кейін Жаңа адамдар дүкен иесінен заңсыз сауда туралы түсініктеме беруді талап етті, алайда жауап ретінде тек кінәні мойындамау мен қоқан-лоқыға куә болды.
Жаңа адамдардың белсенділері азық-түлік дүкеніне қайта оралып, бұл жолы сауда залының едені қоқысы бар қаптардан көрінбейтіндей етті. Дүкен иесінің өскелең ұрпақтың денсаулығы есебінен пайда көруге деген құмарлығын тек «қоқыспен» теңеуге болады. Демек, бұл «қоқысты» әлеуетті сатып алушылар да көруі керек.
Дүкен иесі мұндай әрекетке қатты ашуланып, полиция шақырды және белсенділермен жанжалдасты. Алайда қысқа пікірталастан кейін ол өз қателігін түсініп, кешірім сұрап, снюс сатудан толықтай бас тартуға уәде берді. Қайта тексерулер оның уәдесін қаншалықты орындағанын көрсетеді.
«Қоқыстық» сана — бизнес жүргізу қағидаларына да қатысты. Кез келген мәселе, ең алдымен, адамның басындағы ауытқудан басталады. Ал оны снюстың жасөспірімдерге сатылуы сияқты салдарлармен күресу арқылы емес, сананың ауытқуын шешу арқылы жою қажет.
Бейнебаянға ссілтеме: https://drive.google.com/drive/folders/1xotMzy72TaxFC9dIs5mFbYogMb85Jy05?usp=sharing
Сіз жаңалықтар туралы не ойлайсыз