Jusan Garant биылғы жылғы Қазақстанның сақтандыру нарығындағы маңызды өзгерістер туралы айтып берді, сондай-ақ компанияның автосақтандыру жөніндегі жоспарларын ашты.
Автосақтандыру бойынша төлемге 15 күн
Jusan Garant 2025 жылы «моторлы» сақтандыру бойынша төлем мерзімдерін айтарлықтай қысқартуды жоспарлап отыр. Автокөлік иелері ЖКО-дан кейінгі 15-20 күн ішінде залалдың орнын толтыра алады. Кейбір жағдайларда, алаяқтыққа күдік туындаған кезде және қосымша тексеру қажет болған жағдайда, залалды төлеу мерзімі 30 күнге дейін ұзартылуы мүмкін. Залалды жеделдетіп өтеу үшін компанияда залалды өтеудің жеделдетілген рәсімінің механизмі және залалды бағалаудың бірыңғай әдістемесі әзірленді.
Ұқыпты жүргізушілер үшін жеңілдетілген каско
Сондай-ақ, компанияның жаңа жылда каско сақтандыру кезінде скорингтік модельді енгізу жоспарында. Бұл дегеніміз, полисті ресімдеу кезінде сақтандырушы жүргізушінің «автотарихын» зерттейді – ол қанша ЖКО-ға қатысқан және осы деректер негізінде сақтандыру талаптарын ұсынады.
«Көбінесе сақтандырушылар клиентті жасына қарай бағалайды — жас, демек, желікпе, ал ересек адам — ұқыпты жүргізуші. Бірақ ұқыпты жүретін жас жүргізушілер өте көп, олар ЖКО-ларға ұшырамайды, олардың күнделікті үйден жұмысқа және кері қайтатын бағыты бар және олар автокөлікті гаражда немесе күзетілетін автотұрақта сақтайды. Біз оларға автомобиль құнының 1,5-2% тарифімен, нарық бойынша орташа 3,5-4% тарифпен каско ұсынамыз. Жүргізудің ұқыптылығы марапатталуы керек. Бұл ретте ЖКО қаупі жоғары клиенттерге касконы жоғары тариф бойынша сататын боламыз, айталық, сақтандыру сомасының 10%-нан бастап. Біз мұндай клиенттен бас тартпаймыз, бірақ өзімізге алатын жоғары тәуекелдерді ақтау керек», – деп түсіндіреді Jusan Garant Басқарма төрағасының бірінші орынбасары Рамазан Асылов.
Каско барлық компанияларда бірыңғай бағамен
Jusan Garant 2025 жылы сақтандыру нарығына ұсынуды жоспарлап отырған тағы бір идея — барлық компаниялар үшін ортақ «бірыңғай каско» өнімін құру. Бұл жүргізушілер барлық сақтандыру компанияларында рәсімдей алатын және барлық жерде талаптары – лимиттер, баға мен тәуекелдер бірдей болатын шектеулі каско болады, осынысымен оның атауы да негізделген.
«Автокөлік иелері міндетті автосақтандырудың қанша тұратынын және оның бағасы барлық сақтандыру компанияларында шамамен бірдей екенін біледі. Біз сондай-ақ касконың да бірдей болғанын қалаймыз, осылайша ерікті автосақтандыру қымбат деген идеяны бұзамыз. Ал сақтандырушылар бұл өнімде сервис есебінен бәсекелесетін болады», — дейді Рамазан Асылов.
Көптеген аймақтарда автокөлікті сақтандыру арзандайды
Егер сақтандыру нарығындағы инновациялар туралы айтатын болсақ, онда олар «моторлы» сақтандыруға да әсер етті. Осылайша, қаңтарда міндетті автосақтандыру құнын есептеу үшін жаңа түзету коэффициенттері күшіне енді. «Азаматтық жауапкершілік» Алматы, Түркістан, Жамбыл, Батыс Қазақстан және Қызылорда облыстарында, сондай-ақ Шымкент пен Астанада қымбаттады. Басқа аймақтарда, яғни көпшілігінде ол арзандады.
Мопедистерді сақтандыруға міндеттейді
Сәуір айында қазақстандықтарды, әсіресе Алматы тұрғындарын қуантатын жаңалық күшіне енеді: мопед иелері өздерінің екі доңғалақты көлік құралдарын тіркеуге міндетті болады. Жаңалықтар көліктің осы түрін ретке келтіруге бағытталған. Сонымен қатар, мопедистер мемлекеттік нөмірлерді, жүргізуші куәліктерін алуы, жыл сайынғы техникалық тексеруден өтуі тиіс, олар автосақтандыруды ресімдеуі қажет. Сақтандыру құнына келетін болсақ, ол мотоцикл жүргізушілерімен бірдей болады.
Сіз жаңалықтар туралы не ойлайсыз