Бостандық ауданында жарылған құбыр қалпына келтіріліп, үйлерге жылу мен ыстық су қайта беріле бастады, деп хабарлайды Qazaqpress ҚазАқпаратқа сілтеме жасап.
Алматы жылу жүйесі» мекемесінің мәліметінше, апаттық бригадасы 1984 жылы пайдалануға берілген Ду-800 жылу құбырын жөндеді.
– Қайта қалпына келтіру жұмыстары аяқталып, жылу трассасы іске қосылды. Бүгін таңғы сағат 6:00-ден бастап жылу мен ыстық су кезең-кезеңімен беріліп жатыр, – деп хабарлады әкімдіктен .
Жылу беру жүйесі толық іске қосылғаннан кейін басқарушы компаниялар – ПИК, МИБ және ғимараттарға техникалық қызмет көрсетуші ұйымдарға ішкі желілердің жай-күйін тексеру қажет.
Еске салайық, 23 желтоқсан күні Алматыда тозығы жеткен жылу құбыры жарылып, Сәтбаев – Достық – Тайманов көшелері аумағы мен Самал-1, Самал-2, Самал-3 шағын аудандарының тұрғындары жылудан ажыратылған болатын.
Фото: Liter.kz
Сіз жаңалықтар туралы не ойлайсыз