ҚР Жоғары Сот кеңесінің төрағасы Дмитрий Малахов екі судьяны қызметінен босату туралы Мемлекет басшысының ұсынымы енгізіліп отырғанын мәлім етті, деп хабарлайды Qazaqpress ҚазАқпаратқа сілтеме жасап.
— Ботагөз Ералиева мен Қамбар Нұрышев зейнет жасына жетті. ,Олар судьялар қоғамдастығында беделді маман ретінде танылды. Атап айтқанда, Б. Ералиева мен Қ. Нұрышевтың отставкаға кетуіне байланысты Жоғарғы Сот судьясы қызметінен босату туралы ұсынымға қолдау білдіруді сұраймын, — деді Д. Малахов сенеторларға қарата айтқан сөзінде.
Палата депутаттары аталған ұсынысқа қолдау білдірді.
Еске салсақ, Ботагөз Рахымқызы Сенаттың 2019 жылғы 26 желтоқсандағы қаулысымен ҚР Жоғарғы Сотының судьясы болып сайланды.
Ал Қамбар Жұмабайұлы Сенаттың 2022 жылғы 16 маусымдағы Жоғарғы Сот судьясы қызметіне келді.
Сіз жаңалықтар туралы не ойлайсыз