Қысқы демалыс: Қазақстандағы тәуліктік жалға алудың ең үздік нұсқалары

Қысқы мерекелер – бұл корпоративтік кештер, демалыс және жақындармен кездесулер уақыты. Осы кезеңде іс-шаралар өткізуге арналған орындарға сұраныс едәуір артады, ал тәуліктік жалға алу туралы ақпарат ерекше өзекті болады. 2024 жылдың күз мезгілі бойынша OLX аналитикалық қызметінің деректеріне сүйене отырып, тәуліктік жалға берілетін тұрғын үй нарығындағы негізгі үрдістер анықталды. Бұл талдау алты қалаға – Астана, Алматы, Шымкент, Ақтау, Щучинск және Баянауылға қатысты жасалды. Аталған қалалар тұрғындар арасында танымалдылығымен, көрікті жерлерімен және әйгілі орындарымен ерекшеленеді. Олар туралы төменде толығырақ айтып береміз.

1. Астана

Астана тәуліктік жалға алу бойынша көшбасшы орынды иеленеді – барлығы 12 438 хабарландыру. Ең танымал аудан – Есіл ауданы, мұнда үйлер, коттедждер, қонақүйлер және пәтерлер сияқты жылжымайтын мүліктің барлық түрлері бойынша 3925 хабарландыру жарияланған. Бұл ауданда тәуліктік жалға алу бағасы 12 000-нан 60 000 теңгеге дейінгі аралықты құрайды. Мұндай танымалдылық EXPO, Бәйтерек сияқты көрікті жерлердің орналасуымен байланысты. Бұл жерлерде жылдың кез келген уақытында серуендеуге болады. Сонымен қатар, бұл ауданда отбасылық мерекелер мен басқа да іс-шараларды өткізуге болатын демалыс аймақтары бар, олардың қатарында: «Ақ Қайың» демалыс аймағы, «Жайлау Resort» және басқалары бар.

Екінші орында – Сарыарқа ауданы, мұнда 3732 хабарландыру бар. Тәуліктік жалға алу бағасы 10 000-нан 50 000 теңгеге дейін.

Үшінші орында – Алматы ауданы тұрақтады, мұнда 3668 хабарландыру ұсынылған. Бұл аудандағы бағалар 10 000-нан 60 000 теңгеге дейін өзгереді.

2. Алматы және Алматы облысы

Алматы тәуліктік жалға алу бойынша екінші орында – барлығы 4 737 хабарландыру. Қаладағы орташа жалға алу құны 25 100 теңгені құрайды. Ал бюджеттік пәтерлерді 14 000 теңгеден табуға болады.

Ең танымал аудан – Алмалы ауданы, мұнда 1689 хабарландыру бар. Бұл аймақ Панфилов көшесі мен 28 гвардияшы-панфиловшылар паркі сияқты мәдени көрікті жерлерімен танымал.

Сонымен қатар, қала маңындағы үйлер де үлкен сұранысқа ие. Мысалы, «Oi-Qaragai» шипажайына жақын орналасқан Бесқайнар ауданында 39 хабарландыру бар. Бұл жердің танымалдылығы таулардың әсем көрінісі мен белсенді демалыс мүмкіндігімен байланысты. Мұндағы тәуліктік жалға алу бағасы 90 000 теңгеден басталып, 180 000 теңгеге дейін жетеді.

3. Шымкент

Қонақжайлылығымен танымал Шымкентте 1 547 хабарландыру тіркелген. Абай ауданы 540 ұсыныспен көш бастап тұр, оның 148-і – үйлерді жалға беру.

Бірақ егер сіз қысқы демалыс орындарын іздеп жүрсеңіз, сізге Төлеби ауданын қарастыруға кеңес береміз. Онда «Тау Самалы» тау шаңғысы базасы, «Сайрамсу курорты» демалыс аймағы сияқты көптеген курорттар шоғырланған, онда сіз атпен серуендеп, қарда жүргішпен сырғанай аласыз. Бұл бірге уақыт өткізгісі келетін отбасылар үшін жақсы таңдау.

Жалға алудың орташа құны 19 000 теңгені құрайды. Неғұрлым жайлы ұсыныстар — 80 000 теңгеге дейін.

4. Ақтау

Ақтау қысқы демалысқа арналған тәуліктік жалға алудың 950-ден астам нұсқасын ұсынады, оған теңіз жағасындағы жайлы үйлер мен қала маңындағы орындар кіреді. Тәуліктік жалға алу бағасы орташа есеппен 10 000-нан 60 000 теңгеге дейін өзгереді.

Каспий теңізі жағалауындағы үйлер ерекше сұранысқа ие. Бұл үйлердің танымалдылығы көркем табиғатымен, теңізге жақындығымен және демалыс аймақтарының болуымен түсіндіріледі. Осы артықшылықтар Ақтауды Қазақстанның түрлі қалаларынан және шетелден келетін туристер үшін тартымды бағытқа айналдырады.

5. Щучинск

Щучинск белсенді демалысты ұнатушылар арасында өзінің шаңғы курорттарымен және «Бурабай» ұлттық паркіне жақындығымен танымал. Мұнда тәуліктік жалға алу бағасы орташа есеппен 41 000 теңгеден басталып, 180 000 теңгеге дейін жетеді. Бұл аймақтың жоғары танымалдылығына байланысты. Негізінен, сұраныс үйлер мен қонақүйлерге бағытталған. Алайда ұсыныстар саны шектеулі – бар болғаны 305 хабарландыру. Бұл Щучинскіні қысқы ойын-сауық пен табиғат аясындағы демалыс іздейтіндер үшін өте тартымды етеді.

6. Баянауыл

Баянауыл табиғат аясында оңашаланған қысқы демалысты іздейтіндер арасында танымал. Бұл аймақтағы тәуліктік жалға алу құны орташа есеппен 30 000 теңгені құрайды, ал ең жоғары баға 40 000 теңгеге жетеді. Нарықта бар болғаны 53 хабарландыру ұсынылған, бұл ұсыныстардың шектеулі екенін көрсетеді.

Жергілікті үйлер мен коттедждер негізінен Баянауыл ұлттық паркінің маңында орналасқан, бұл қысқы серуендерді ұнататындарды тартады. Мереке және демалыс күндері көркем пейзаждары мен таза ауадағы белсенді демалыс мүмкіндіктерінің арқасында жалға алу сұранысы айтарлықтай артады.

Жалға алушыларға арналған кеңестер:

1. Іздеуді ертерек бастаңыз: Қысқы маусымда тәуліктік жалға алу сұранысы артады, сондықтан жоспарланған іс-шараға кемінде бір ай қалғанда тұрғын үйді брондауды ұсынамыз. Бұл сізге баға мен сапа бойынша ең қолайлы нұсқаны табуға көмектеседі.

2. Шарттарды нақтылап, фотосуреттерді тексеріңіз: Қажетті жағдайлардың бар-жоғын міндетті түрде анықтаңыз, мысалы, жылыту, тазалық қызметі немесе интернетке қолжетімділік. Тұрғын үйдің сіздің талаптарыңызға сәйкес келетінін тексеру үшін үй иелерінен өзекті фотосуреттерді сұраңыз.

3. Бағаларды салыстырыңыз: Ең тиімді ұсынысты таңдау үшін нарықты зерттеңіз. Тек жалға алу құнына ғана емес, сонымен қатар орналасқан жері мен қосымша қызметтерге назар аударыңыз.

4. Алаяқтықтан сақ болыңыз: Егер растайтын құжаттар болмаса, толық алдын ала төлем жасаудан аулақ болыңыз,. Жалға алу құқығын растайтын құжаттар немесе тұрғын үйдің шынайы жағдайын көрсететін фотосуреттерді сұраңыз.

Қысқы кезең – жаңа жерлерде демалуға тамаша уақыт. Есіңізде болсын, дұрыс таңдалған тұрғын үй сіздің іс-шараңыздың жайлылығы мен әсеріне тікелей әсер етеді.

ADVERTISEMENT