Мұнай тасымалдаумен айналысатын қазақстандық компания сақтандыру бойынша жол талғамайтын көлікті жөндеуге 36 млн. теңге алды — еліміздің батысындағы көктемгі су тасқыны кезінде арнайы техника өзенге батып кеткен болатын.
Оқиға сәуір айының басында, Атырау облысында болған. Мұнай компаниясы облыс әкімдігінің өтініші бойынша су тасқынынан зардап шеккен аудандарға апаттық арнайы техниканы жіберді. Бөгетті ашу кезінде шынжыр табанды жол талғамайтын көлік күтпеген жерден өзеннің терең бөлігіне қатты ағынмен түсіп кетті. Көп тонналық машинаны қуатты ағын шағын көлемді көлік сияқты құлатты. Салон лезде суға толды. Құрбан болғандар жоқ – кабинада болған үш адам таяз судағы терезеден шықты. Алайда техника су астына кетті.
Қарда да, батпақта да жүретін бұл көлікті үш айдан кейін, маусым айының соңында, өзендегі су деңгейі төмендеген кезде ғана, жағаға көтеруге мүмкін болды. Судың соққысының әсерінен және техниканың суда ұзақ уақыт болуына, тұнба мен балшықтың түсуіне байланысты қозғалтқыш пен оның жүйелері, барлық электр жабдықтары, шассидің қуат агрегаты, салқындату жүйесі зардап шеккен.
Жол талғамайтын бұл көліктің құны 237 млн. теңге, жөндеу құнын мамандар 59,2 млн. теңгеге бағалады. Сақтандыру шарты бойынша 23,2 млн. теңге мөлшерінде шартсыз франшиза көзделген – бұл шартты ресімдеу кезінде сақтанушы өзіне алуға келіскен және осылайша полистің құнын төмендеткен, техниканы қалпына келтіруге арналған шығыстар. Нәтижесінде Jusan Garant сақтандыру бойынша 36 млн. теңге төледі.
Jusan Garant мүліктік сақтандыру бойынша төлемдер бойынша Қазақстанның ТОП-3 сақтандыру компанияларының қатарына кіреді – осы жылдың 10 айында қаржы ұйымы клиенттерге 3 млрд. теңге сомасына залалды өтеді.
Сіз жаңалықтар туралы не ойлайсыз