Астана мен Алматы қалаларындағы ақша айырбастау пункттерінде доллар 507 — 517 теңгеден саудаланып жатыр, деп хабарлайды Qazaqpress ҚазАқпаратқа сілтеме жасап.
Ұлттық банктің 29 қарашаға арналған ресми бағамы — 1 долларға 513,00 теңге. Ресей рублінің орташа сараланған құны — 4,69 теңге. Еуро — 541,16.
Kurs.kz мәліметінше, қазіргі уақытта Алматының ақша айырбастау пункттерінде доллар 511,5 теңгеден сатылып жатыр, сатып алу бағамы — 516,5 теңге. Еуро 534,5 — 541,5 теңге аралығында құбылып тұр.
Ал, Астана қаласы бойынша долларды сату бағамы — 507 теңге, сатып алу құны — 517 теңге. Еуро 535 теңгеден сатылып, 543 теңгеден сатып алынады.
Дәл қазіргі уақытта ақша айырбастау орындарында Ресей валютасы 4,75 — 4,91 аралығында саудаланып жатыр.
Айта кетейік, 28 қараша кешкі сауда қорытындысы бойынша, доллардың орташа бағамы 12,63 теңгеге қымбаттап, 513,05 теңге болған.
Сіз жаңалықтар туралы не ойлайсыз