Ержет Жарлықасын грек-рим күресінен әлем чемпионатының финалында өнер көрсетеді
Тирана қаласында (Албания) грек-рим күресінен олимпиадалық емес салмақтарда өтіп жатқан әлем чемпионатында қазақстандық Ержет Жарлықасын финалға шықты, деп хабарлайды Qazaqpress ҚазАқпаратқа сілтеме жасап.
Қазақстандық балуан 63 келіге дейінгі салмақта 1/8 финалда поляк Мишал Трачщты қапы қалдырды.
Ширек финалда франциялық Стефан Клементті мерзімінен бұрын ұтты.
Ал жартылай финалда ресейлік Садық Лалаевты 8:0 есебімен тізе бүктірді.
Е.Жарлықасын белдесуінің бәрі ойдағыдай болғанын, енді чемпиондық атақ үшін барын салатынын жеткізді.
Ержет Жарлықасын 29 қазан күні финалда әзербайжандық Нихат Маммадалимен алтын жүлдені сарапқа салады.
Фото: Olympic.kz