ADVERTISEMENT
Мемлекет басшысы Қасым-Жомарт Тоқаев Руслан Сарқұловты ҚР Ұлттық қауіпсіздік комитеті (ҰҚК) төрағасының орынбасары қызметіне тағайындады, деп хабарлайды Qazaqpress Zakon.kz-ке сілтеме жасап.
Тиісті құжат 2024 жылғы 25 қыркүйекте Ақорда сайтында жарияланды.
Мемлекет басшысының өкімімен Руслан Серікұлы Сарқұлов Қазақстан Республикасы Ұлттық қауіпсіздік комитеті Төрағасының орынбасары лауазымына тағайындалды, — деп жазылған құжатта.
2024 жылғы 23 қыркүйекте Қасым-Жомарт Тоқаев Ұлттық қауіпсіздік комитеті басшысының жаңа орынбасарлары болып тағайындағаны белгілі болды:
- Марат Жұмабаев – Қазақстан Республикасы Ұлттық қауіпсіздік комитеті төрағасының орынбасары – Сыртқы барлау қызметінің директоры;
- Алмас Наймантаев – Қазақстан Республикасы Ұлттық қауіпсіздік комитеті төрағасының орынбасары.
Еске салайық, Асқар Әмерханов 2023 жылдың сәуірінен бастап Қазақстан Республикасы Ұлттық қауіпсіздік комитеті төрағасының орынбасары – Сыртқы барлау қызметінің директоры болды. 2024 жылы 16 қыркүйекте Қасым-Жомарт Тоқаев оны қызметінен босатты.
Фото: Akorda.kz
Сіз жаңалықтар туралы не ойлайсыз