«Yessenov» университетінің президенті және техника ғылымдарының кандидаты, профессор — АЭС құрылысын қолдау бойынша Халықтық штаб мүшесі Берік Ахметов атом энергетикасын қолдану еліміз бойынша энергия тапшылығын жоюға септесетінін айтты.
«Баршаға мәлім халық тығыз қоныстанған Оңтүстік аймақта қуат көзінің жеткіліксіздігі айқын білінеді. АЭС салу арқылы электр қуатының сыртқы тасымалына тосқауыл қоямыз.
Сонымен қатар, атом қуатын халық қажетіне жарату қоршаған ортаға залалы мол көмір электр станцияларының санын, сәйкесінше ықпалын азайтуға сеп болады.
Өңірлік штабтың мүшесі ретінде әріптестер және студенттермен АЭС артықшылықтыры жөнінде өзара пікір алмастық. Менің ойымша, АЭС сынды өте ауқымды тақырыпты университет қабырғасынан бастап талқыға салу қажет. Сондай-ақ, АЭС жасыл қуат көзі ретінде жаһандық экожүйеге кері әсер етпейді. Халықаралық келісімдерге сәйкес ауаға шығарылатын зиянды қалдықтар мен химиялық элементтердің үлесін азайтады. АЭС-тің негізгі артықшылықтары көп. Ел экономикасына елеулі әсер етіп, тың өзгерістер алып келетіні сөзсіз. Экологиялық ахуал халықты алаңдататын басты мәселе.
Сондықтан халық қоршаған ортаға қауіпсіздігін ескеруі тиіс. Референдумға қатысу бір жағынан қоғамның белсенділігін көрсетеді. Бүгінгі күні халық мемлекеттік деңгейдегі мәселелер мен саяси шешімдерге араласа білетіндігін көрсеткен жөн,- деді Берік Ахметов.
Сіз жаңалықтар туралы не ойлайсыз