Қыста иммундық жүйе және тұтастай алғанда ағза ерекше қолдауды қажет етеді. Қажетті компоненттің жетіспеушілігі бірқатар жағымсыз белгіге әкелуі мүмкін.
Қыс мезгілінде қандай дәрумен жетіспейтінін Алматы №36 қалалық емхананың дәрігері Жазира Әбдіқайырова айтып берді.
«Қыс мезгілінің басталуымен көп адамның ағзасының қорғаныс қабілеті әлсірейді, сыртқы әлбеті нашарлап, көңіл-күйі түседі, денсаулыққа байланысты проблемалар туындайды. Бұның бәрі жарық күнінің азаюы мен күнделікті диетада дәруменге бай көкөніс пен жеміс жетіспеушілігіне байланысты туындайтын авитоминоздың кесірінен», — деп түсіндіреді дәрігер.
Маманның айтуынша, С дәруменінің жетіспеушілігі иммунитеттің төмендеуі, ұйқышылдық, сылбырлық, шаршау мен депрессияға әкеледі. Сонымен қатар қызыл иектен қан кету орын алып, буын ауруы пайда болуы мүмкін.
Сондықтан қыста дәруменнің жетіспеушілігін толтыру ұсынылады. Оның үстіне С дәрумені басқа дәрумен мен минералдардың, соның ішінде кальций мен темірдің сіңуіне ықпал етеді.
Сондай-ақ дәрігер суық мезгілде А дәруменіне бай тағамды жеуге кеңес береді.
Бұл микроэлемент иммундық жүйені нығайтады, көру өткірлігін арттырады, қан айналымын қалпына келтіреді, қабыну процесін тоқтатады, тін регенерациясын және жараның жазылуын тездетеді, тыныш ұйқыға ықпал етеді.
Сіз жаңалықтар туралы не ойлайсыз