«ДАУЫС» Қоғамдық байқаушылар коалициясы Қазақстанда атом электр стансасын салу жөніндегі республикалық референдумға қатысуға ниетті екенін ресми түрде мәлімдеді. Ұйым референдум барысында тәуелсіз бақылаушы ретінде әділдік пен ашықтықты қамтамасыз етуге белсенді түрде атсалыспақ. Бұл бастама коалицияның саяси науқанға деген жоғары жауапкершілігін көрсетіп отыр.
Тәуелсіз қоғамдық ұйым ретінде «ДАУЫС» коалициясы еліміздегі маңызды саяси үдерістерге қатысудың әділ әрі объективті болуын басты назарға алуда. Коалиция мүшелері әрбір сайлау учаскесінде бақылау жасап, халықтың дауысын әділ есепке алуды қамтамасыз ету үшін аянбай еңбек етуді өздерінің парызы деп санайды.
Алдағы референдум еліміз үшін тарихи оқиға болмақ. Бұл референдум нәтижесінде қабылданатын шешімдер Қазақстанның болашағына тікелей әсер етеді. Сондықтан «ДАУЫС» коалициясы сайлау үдерісінің ашық әрі әділ өтуіне ықпал ету үшін дайын екенін баса айтады. Бүгінгі таңда коалиция құрамында жүздеген белсенді қазақстандық бар, олар референдумға қатысу маңыздылығын қоғамға түсіндірумен де айналысады.
Коалиция мүшелері халық қалауының шынайы мүдделерді көрсететініне сенімді. Алдағы референдумның әділ әрі сапалы өтуі – Қазақстанның одан әрі тұрақты дамуының кепілі болмақ. Коалиция қоғамды осы маңызды саяси науқанға белсенді түрде қатысуға шақырады, себебі әрбір азаматтың дауысы еліміздің болашағына әсер ететіні сөзсіз.
Сіз жаңалықтар туралы не ойлайсыз