Қазақстанның өңірлеріндегі 10-сынып оқушыларына жаңа мүмкіндік

Қазақстанның өңірлеріндегі 10-сынып оқушыларына жаңа мүмкіндік

Қазақстанда inDrive компаниясының халықаралық Beginit Central Asia жобасының жаңа маусымы басталады, ол елдің 10 өңірін қамтиды. Жоба Astana Hub халықаралық технопаркінің және iQanat қорының қолдауымен өткізіледі.

Қазақстанның 10 өңірін қамтитын ауқымды білім беру жобасы дарынды жоғары сынып оқушыларына тегін жоғары білім алуға және көшбасшылық дағдыларды дамытуға мүмкіндік береді. Beginit Central Asia жобасы 2024 жылдың қыркүйегінде басталып, 2025 жылдың маусымында Астанада аяқталады.

Жобаның іріктеу турлары өтетін қалалар:

Жобаға қатысушылар Beginit білім беру платформасында тегін оқудан өтіп, Алматыдағы көшбасшылық дағдыларды дамытуға арналған буткемпке қатысу және осы әлеуметтік жоба аясында тәжірибе жинау мүмкіндігіне ие болады.

Бағдарлама қорытындысы бойынша 6 үздік қатысушы бағалы сыйлықтармен марапатталады, атап айтқанда шетелде білім алу, ҰБТ-ға дайындық курстары және компьютерлер сыйға тартылады. Сонымен қатар, 20 финалистке inVision U университетінде тегін оқуға шақыру беріледі.

Жобаға қатысу үшін бірнеше қарапайым шартты орындау қажет:

Айта кету керек, жобаның іріктеу турына келіп қатысқан оқушылар ғана келесі кезеңге жіберіледі.

Іріктеуден өткен оқушылар 2024 жылдың қарашасында Beginit платформасында оқуды бастайды. Ең үздік оқушылар 2025 жылдың наурызында Алматыда өтетін буткемпке қатысып, көшбасшылық дағдыларды дамытуға арналған интенсивті тренингтерге қатысады. Буткемптің қорытындысы бойынша финалисттер анықталып, олар 2025 жылдың сәуір-мамыр айларында өз әлеуметтік жобаларын жүзеге асырады. Жобаның финалы 2025 жылдың маусым айының басында Астанада өтеді.

Өткен маусымда іріктеу турына Қазақстанның түкпір-түкпірінен 800-ден астам өтінім түсті. Финалға 37 оқушы шығып, олардың ішінен шыққан 7 жеңімпаз шетелде оқу грантын, ҰБТ-ға дайындық курстарын және компьютерлер жеңіп алды. 18 қатысушы inDrive компаниясынан inVision U инновациялық университетіндегі Foundation Year бағдарламасына шақырту алды.

Жоба жастардың көшбасшылық қасиеттері мен әлеуметтік бастамаларын дамытуға бағытталған және Astana Hub халықаралық технопаркінің мен iQanat қорының қолдауымен жүзеге асырылады.

Анықтама:

Beginit –  inDrive-тың әлеуметтік-білім беру бағытындағы коммерциялық емес жобасы. 46 елдегі 750 қалада қызмет көрсетіп, 240 миллионнан көп рет жүктелген inDrive технологиялар секторындағы инновациялар мен инклюзивті дамытуға ат салысады.

Әлеуметтік теңсіздікпен күрес миссиясын басшылыққа ала отырып, компания 2030 жылға қарай бір миллиард адамның өміріне оң ықпалын тигізуді мақсат етіп отыр. Бұл мақсатқа ол жергілікті қауымдастықтарды әділ баға белгілеу моделі арқылы қолдайтын негізгі бизнесі арқылы да, коммерциялық емес бөлімшесі inVision арқылы да қол жеткізеді. inVision-ның қоғамдастықтарды қолдау бағдарламалары білім беру, спорт, өнер және ғылым, гендерлік теңдік және басқа да маңызды бастамаларды дамытуға көмектеседі.

Толық ақпаратты indrive.com сайтынан ала аласыздар.

 

Байланысты