Алматыда ақпараттық-коммуникациялық технологиялар саласындағы әлемдік көшбасшы Huawei компаниясының ұйымдастыруымен Huawei Partners Conference жыл сайынғы конференциясы өтті. Қазақстанның 100-ден астам бизнес, мемлекеттік құрылымдар мен IT-қоғамдастық өкілдері цифрлық дамудың болашағы мен ынтымақтастықтың жаңа мүмкіндіктерін талқылау мақсатында бас қосты.
Іс-шараның негізгі мақсаты — Huawei серіктестері арасында өзара іс-қимыл және тәжірибе алмасу үшін платформа құру, сондай-ақ Қазақстан экономикасының түрлі секторларын цифрландыруды жеделдетуге ықпал ететін жаңа технологиялық шешімдер мен стратегияларды талқылау. Конференцияға қатысушылар серіктестік қатынастарды дамытудың негізгі бағыттарын талқылады, сәтті кейстермен бөлісті және Huawei компаниясының соңғы жаңалықтары мен шешімдерімен танысты.
Іс-шараны Huawei Kazakhstan Бас директоры Чжао Сюй ашып, өз сөзінде Қазақстандағы инновациялық технологияларды дамыту үшін жергілікті серіктестермен ынтымақтастықтың маңыздылығын атап өтті.
«Huawei-дегі біздің мақсатымыз — бұл бизнес қана емес, сонымен қатар инновациялар және бүкіл әлемдегі адамдарды біріктіру. Соңғы онжылдықта біз зерттеулер мен әзірлемелерге 160 миллиард доллар көлемінде үлкен қаражат салдық. Өткен жылы компанияның сату көлемі 99,4 миллиард долларды құрады, бұл біздің нарықта мықты қатысуымызды және қаржылық мүмкіндіктерімізді көрсетеді», — деп атап өтті Huawei Technologies Kazakhstan Бас директоры Чжао Сюй. — «Қазақстанда біз әріптестік қатынастарды нығайтуға деген қызығушылықтың айтарлықтай өскенін байқаймыз. 2024 жылы біз желімізге 59 жаңа компанияны қосуды жоспарлап отырмыз, бұл ағымдағы саннан 114%-ға артық. Бұл сандар біздің инновацияға және тұтынушылардың қанағаттануына деген адалдығымызды көрсетеді».
Конференцияда Huawei-дің жетекші сарапшыларының баяндамалары ұсынылды, олар цифрлық трансформация саласындағы білімдері мен практикалық тәжірибелерімен бөлісті. Жасанды интеллектті енгізу, тұрақты даму және жаңа технологияларды қолданыстағы бизнес-модельдерге интеграциялау мәселелеріне ерекше назар аударылды.
Конференцияның басты тақырыптарының бірі жоғары жылдамдықтың, төмен кідірістің және желінің өткізу қабілеттілігінің жақсаруының арқасында бизнес-процестерді келесі деңгейге көтеруге қабілетті ең жаңа Wi-Fi 7 шешімін іске қосу және енгізу туралы хабарландыру болды. Бұл шешім кәсіпорындардың тиімділігін арттыра отырып, жаңа стандарттарға қолдау көрсетеді. Wi-Fi 7-нің негізгі артықшылықтарының бірі — тіпті жоғары пайдаланушы тығыздығы жағдайында тұрақты байланыс, сонымен қатар жақсартылған қауіпсіздік мүмкіндіктері.
«2024 жылдың соңына қарай нарыққа 200 миллионнан астам Wi-Fi 7 қолдайтын құрылғылар шығады және Huawei мобильді шешімдерді басқаруды жалғастыра отырып, саладағы алғашқы кәсіпорындық санаттағы Wi-Fi 7 шешімін ұсынды. Huawei-дің Wi-Fi 7-ні іске қосуы — бұл біздің корпоративті клиенттерімізге жұмыс тиімділігін едәуір арттыруға, процестерді оңтайландыруға және соңғы пайдаланушылармен өзара әрекеттесуді жақсартуға мүмкіндік беретін сымсыз технологияларды дамытудың жаңа кезеңі. Wi-Fi 7 көмегімен компаниялар бизнес-міндеттерді тезірек және сапалы шеше алады, бұл технологияны бизнесті цифрлық трансформациялаудың негізгі факторына айналдырады», — деді Ге Лян, Huawei Technologies Kazakhstan АКТ-маркетинг және шешімдерді сату бөлімінің директоры.
Конференцияда ынтымақтастықтың әр кезеңінде серіктестерді жан-жақты қолдау мәселелеріне көп көңіл бөлінді. Іс-шара барысында серіктес компанияларға нарықтағы өз позицияларын нығайтуға ғана емес, сонымен қатар бизнес көкжиектерін айтарлықтай кеңейтуге көмектесетін негізгі бастамалар мен перспективалық мүмкіндіктер талқыланды.
«Huawei өз серіктестерін қолдау мен дамытуға үлкен мән береді. Бірлесіп жұмыс істеу және оқыту мен ресурстарға инвестиция салу өзара табысқа жетуге ықпал ететініне сенімдіміз. Біздің мақсатымыз — серіктестерге өз бизнестерін табысты дамытып, клиенттерге нарықтағы ең жақсы шешімдерді ұсына алатындай барлық қажетті құралдар мен қолдауды ұсыну», — деп атап өтті Huawei Technologies Kazakhstan серіктестерімен жұмыс жөніндегі менеджер Руслан Абулгазин.
Конференцияның маңызды сәті компания өкілдерінің табысты серіктестік тәжірибесімен және өз жетістіктерімен бөлісіп, ортақ мақсаттарға жету және нарықты дамыту үшін өзара тиімді ынтымақтастықтың маңыздылығын атап өткен Атаком компаниясының сөйлеген сөзі болды.
«Атаком компаниясы 2006 жылы құрылды және 2012 жылдан бастап біз Huawei компаниясымен серіктеспіз. Біз Қазақстандағы Huawei өнімдерінің алғашқы дистрибьюторлары және сертификатталған сервистік серіктестері болып табыламыз. 2020 жылы біздің компания сату көрсеткіштері бойынша көшбасшылық үшін ең жоғары марапатқа ие болды және біз бұл позицияны төрт жыл бойы сақтап келеміз. Бұл ынтымақтастық бізге айтарлықтай пайда әкеледі және бизнесімізді одан әрі дамытуға ықпал етеді», — деп бөлісті Атакомның бренд-менеджері Айжан Байсалбаева.
Partners Conference 2024 конференциясы серіктестік қарым-қатынастың стратегиялық маңыздылығын растап қана қоймай, цифрлық шешімдер саласындағы бірлескен дамудың жаңа перспективаларын белгіледі. Huawei Technologies Kazakhstan компаниясы цифрлық экономиканы дамытуға және Қазақстанда бизнес үшін жаңа мүмкіндіктер жасауға ықпал ететін озық технологияларды белсенді енгізуді жалғастырады.
Сіз жаңалықтар туралы не ойлайсыз