№8 қалалық клиникалық аурухананың хирург және гинекологтар тобы алып ісігі бар науқасқа сәтті ота жасады.
56 жастағы әйел аурухананың қабылдау бөліміне ішінің ауырсынуына және әлсіздікке шағымданып түсті. Тексеру барысында дәрігерлер науқастың іш қуысында 30-40 см болатын ісік түзілісін анықтады, науқастың айтуынша, ол үш жылдан бері ішінің ұлғайғанын байқаған. Жылауық мөлшері толық мерзімді жүктілікке сәйкес келді.
«Ота жасау туралы шешім бірден қабылданды. Біз 11 литр ұйыма құрамды аналық без ісігін сәтті алып тастадық. Отадан кейінгі алғашқы сағатта пациент айтарлықтай жеңілдік сезінді. Отадан кейінгі кезең жақсы өтіп, науқас тез сауыға түсті. Көмектесе алғанымызға қуаныштымыз», – дейді Алматы №8 қалалық клиникалық ауруханасының гинекология бөлімшесінің меңгерушісі Дмитрий Цай.
Мұндай ота жоғары кәсіби дәрігерлер тобын қажет ететіні сөзсіз. Жоғарыда аталғандай үлкен зақымдануды ең аз асқынумен жою хирургиялық топ үшін нағыз жетістік.
Дәрігерлер денсаулыққа ортақ жауапкершілік туралы баса айтып, дәрігерге көрінуді кешіктірмеуді және үнемі скринингтік тексеруден өтуді сұрайды.
Сіз жаңалықтар туралы не ойлайсыз