FlyArystan қазақстандық лоукостері күзгі-қысқы маусымға әуебилеттер сатылымының ашылғаны туралы хабарлайды. Жолаушылар рейстердің көптеген бағыттарында билеттерді ең қолайлы бағамен FlyArystan мобильді қосымшасы арқылы немесе www.flyarystan.com сайтынан қазіргі сәттен-ақ сатып ала алады.
Авиация әлемінде күзгі-қысқы маусым қазан айының соңғы апталықтарында басталады. Сонымен қатар, күзгі-қысқы маусым, көбінесе, қысқы мезгілде танымал бағыттарға рейстердің көбеюімен ерекшеленеді. Осылайша, әуетасымалдаушының халықаралық маршруттық желісінде Ақтаудан Ыстамбұл мен Бакуға рейстері қолжетімді. Сондай-ақ, Алматы, Астана, Ақтау және Атырау қалаларынан Қутаисиге, Астанадан Ташкентке бағытталған рейстерге сатылым ашу жоспарлануда.
Осы кезекте, FlyArystan осындай күрделі уақытта қауіпсіздік шараларына ерекше назар аударып, экипаждар мен әуе кемелерін қысқы жағдайларға мұқият дайындауда.
FlyArystan Қазақстанның ішкі бағыттары бойынша күзгі-қысқы маусымға рейстерінің үштен біріне, яғни: Алматыдан – Астана, Қызылорда, Қостанай, Семей, Түркістан, Орал қалаларына, Астанадан – Орал мен Ақтауға, Шымкенттен – Ақтауға және Ақтаудан – Ақтөбеге билеттер сатылымын ашты. Рейстерге билеттер 2024 жылдың 31 желтоқсанына дейін қолжетімді. Әуетасымалдаушы жолаушыларға билеттерді алдын-ала тиімді тарифтермен сатып алуға кеңес береді. Сондай-ақ, сайттағы және мобильді қосымшадағы жаңартуларды байқап отыру ұсынылады. Басқа рейстерге сатылым жақын арада ашылатынын хабарлаймыз.
Біз туралы:
FlyArystan – өз қызметін 2019 жылдың мамыр айында бастаған қазақстандық лоукостер. Әуекомпания Алматы, Астана, Атырау, Ақтау және Шымкент қалаларындағы базаларынан A320 ұшақтарының қазіргі заманғы әуепаркімен кең маршруттық желі бойынша рейстерді орындайды. FlyArystan маршруттық желісі Грузия, Әзірбайжан, Өзбекстан, Түркия, Үндістан, БАӘ, Катар және Қытайға ішкі және халықаралық бағыттар мен чартерлік рейстерді қамтиды. FlyArystan 2023 және 2024 жылдары екі рет Skytrax World Airline Awards Орталық Азия мен ТМД-дағы үздік бюджеттік әуекомпаниясы болып танылды.
Сіз жаңалықтар туралы не ойлайсыз