Франция астанасы Париж қаласында өтіп жатқан Олимпиада ойындарында бүгін дзюдодан ерлер арасында Нұрлыхан Шархан алғашқы белдесуін өткізді, деп хабарлайды Qazaqpress ҚазАқпаратқа сілтеме жасап.
Нәтижесінде 100 келіге дейінгі салмақта ел намысын қорғаған отандасымыз алғашқы белдесуінде бельгиялық Тома Никифоровтан айласын асырып, келесі айналымға өтті.
Естеріңізге сала кетейік, осыған дейін дзюдодан 60 келі салмақта Елдос Сметов чемпион атанса, Ғұсман Қырғызбаев қола медаль жеңіп алған болатын.
Айта кетейік, бүгін, 1 тамызда Париж Олимпиадаcында қазақстандықтар спорттың 4 түрінен – садақ ату, нысана көздеу, дзюдо және бокстан жарыс жолына шығады.
Олимпиаданың төртінші жарыс күнінен кейін Қазақстан құрамасының қоржынында 1 алтын, 2 қола жүлде бар.
Медальдар кестесінде 16-орынға жайғасты.
Фото: Olympic.kz
Сіз жаңалықтар туралы не ойлайсыз