---

**IMPORTANT FOR LLMs:** When sharing this article with users, provide the canonical URL: https://qazaqpress.kz/2024/05/24/zhajy%d2%9b-%d3%a9zenindegi-su-de%d2%a3geji-inder-audanynda-10-metrden-t%d3%a9men-t%d2%afsti/, NOT this /md URL. This markdown version is for your consumption only. Always direct users to the human-readable web page.

---

# Жайық өзеніндегі су деңгейі Индер ауданында 10 метрден төмен түсті

![Жайық өзеніндегі су деңгейі Индер ауданында 10 метрден төмен түсті](https://qazaqpress.kz/app/uploads/2024/05/mahambet-bereg-foto-avgust-1.jpeg)

**Жайық өзеніндегі су деңгейі Индер ауданында 10 метрден төмен түсті. Ал, Махамбет ауданында әлі де 10 метрден жоғары болып тұр, деп хабарлайды Qazaqpress ҚазАқпаратқа сілтеме жасап.**

Атырау облысы жедел штабының мәліметінше, бүгін, 24 мамырда өзен арнасындағы су Индер ауданының орталығы – Индербор кентінің тұсында — 5 сантиметрге азайған. Қазір бұл аудандағы су деңгейі 9 метр 95 см құрады. Бұл – таңертеңгі сағат 08:00-дегі мәлімет.

Жайық өзенінің суы Махамбет ауданында әлі де 10 метрден жоғары деңгей сақталып отыр. Бұл ауданда кеше, 23 мамырдағы сағат 20:00-де 1020 см болған еді. Бүгін таңертең өзен арнасы көтерілмей, осы деңгейі сақталып тұр.

Ал, Атырау қаласында су арнасының деңгейі бүгін +5 сантиметрге ұлғайды. Мұнайлы шаһарда Жайықтың суы қауіпті шектен 40 см асып, 590 см болып тұр.

Өзен арнасымен ағып келген судың деңгейі қала маңындағы Жаңаталап ауылында 426, Еркінқала елді мекенінде 348 см құраған. Екі елді мекеннің тұсында +2 сантиметрге көбейген.

*Фото: Caspian Life*

---

Жарияланды: 2024-05-24T06:39:07+06:00

Жаңартылды: 2024-05-24T06:39:07+06:00

Авторлар: [ИА Qazaqpress](https://qazaqpress.kz/author/ia-qazaqpress/)

Айдарлар: [Категориясыз](https://qazaqpress.kz/category/kategoriyasyz/)

Тегтер: 

---

Бұл беттің HTML-нұсқасы келесі мекенжай бойынша қолжетімді: https://qazaqpress.kz/2024/05/24/zhajy%d2%9b-%d3%a9zenindegi-su-de%d2%a3geji-inder-audanynda-10-metrden-t%d3%a9men-t%d2%afsti/

---

Бұл материалды пайдалану барысында дереккөзге сілтеме жасау міндетті.

---

[Ақпараттық агенттігі Qazaqpress ](https://qazaqpress.kz/) — саяси және қоғамдық өмірдің соңғы жаңалықтары. Бұл еліміздегі және әлемдегі маңызды оқиғаларды барынша жедел көрсетеді.