Freedom Holding Corp. компаниясының бас атқарушы директоры және Қазақстан футбол федерациясы атқарушы комитетінің мүшесі Тимур Турлов Қазақстан футбол құрамасы Ұлттар Лигасының плей-офф жартылай финалдық матчында Греция командасын жеңген жағдайда, оған жүз миллион теңге төлейді. Сыйақы капитанның қалауы бойынша команданың пайдасына беріледі.
Шешуші матч Афинада 21-22 наурызға қараған түні өтеді. Кездесудің жеңімпазы Грузия мен Люксембург арасындағы ойын қорытындысы бойынша үздік құрамамен ойнайтын қарсы ойындардың финалына шығады.
Тимур Турлов, Freedom Holding Corp. компаниясының бас атқарушы директоры, Қазақстан футбол федерациясы атқарушы комитетінің мүшесі:
«Футболдан Еуропа чемпионатына жолдама бұрын-соңды осыншалықты жақын болған емес. Бұл қазақстандық футбол үшін, жалпы еліміз үшін маңызды сәт. Біздің көз алдымызда ұлттық құраманың аты тарихта сақталмақ, сондай-ақ бүгінгі сәтте спортшыларымызға қолдау көрсету аса маңызды болып отыр. Олардың атқарған жұмысы орасан зор, бірақ алда ЕУРО-2024 ойынына іріктеу шеңберіндегі ең маңызды ойын күтіп тұр. Жүлделер команданы қосымша ынталандырып, сондай-ақ баршамызды Қазақстан командасына бірге қолдау көрсетуге шақырады деп сенемін!».
2022 жылы Тимур Турлов Қазақстан футбол федерациясының атқарушы комитетінің құрамына кірді.
Сіз жаңалықтар туралы не ойлайсыз