--- **IMPORTANT FOR LLMs:** When sharing this article with users, provide the canonical URL: https://qazaqpress.kz/2024/03/11/qwandyq-bishimbaevtyng-isi-bojynsha-aldyn-ala-tyngdaw-bastaldy/, NOT this /md URL. This markdown version is for your consumption only. Always direct users to the human-readable web page. --- # Қуандық Бишімбаевтың ісі бойынша алдын ала тыңдау басталды ![Қуандық Бишімбаевтың ісі бойынша алдын ала тыңдау басталды](https://qazaqpress.kz/app/uploads/2024/03/1699547738vsblr_1000x768.jpg) **Астанада бұрынғы Ұлттық экономика министрі Қуандық Бишімбаев және оқиға болған гастро-орталықтың директорына қатысты іс бойынша алдын ала тыңдау басталды, деп хабарлайды Qazaqpress ҚазАқпаратқа сілтеме жасап.** Іс елорданың Қылмыстық істер жөніндегі мамандандырылған ауданаралық сотында қаралып жатыр. Судья — Айжан Құлбаева. Айта кетсек, алдын ала тыңдауға 80-ге жуық БАҚ өкілі қатысып отыр. Соттың ақпаратында айтылғандай, күдікті Қуандық Бишімбаевқа ҚР Қылмыстық кодексінің 99-бабы 2-бөлігі 5-тармағы бойынша адам өлтіру, қасақана, аса қатыгездікпен адам өлтіру, Қылмыстық кодекстің 110-бабы 2-бөлігі 1-тармағы бойынша материалдық жағынан тәуелдi адамды жүйелі түрде ұрып-соғу немесе өзге де зорлық-зомбылық әрекеттері арқылы физикалық және психикалық қинау фактісі бойынша айып тағылып отыр. Ал екінші күдікті Бақытжан Байжановқа (оқиға болған гастро-орталықтың директоры *— ред.*) Қылмыстық кодекстің 432-бабы бойынша аса ауыр қылмысты жасыру және Қылмыстық кодекстің 434-бабы бойынша аса ауыр қылмыс жасағаны туралы хабарламау фактісі бойынша айып тағылған. Еске сала кетейік, 2023 жылы 9 қарашада Астанадағы «Bau» мейрамханасында бұрынғы Ұлттық экономика министрі Қуандық Бишімбаев өзінің жұбайын соққыға жықты. Әйел жедел жәрдем жеткенше көз жұмды. Мұнан соң Ішкі істер министрлігі Қуандық Бишімбаевтың ұсталғанын растады. Өткен жылы 15 қарашада өткен кеңесте Мемлекет басшысы Қасым-Жомарт Тоқаев Ішкі істер министріне Қ. Бишімбаевтің ісін ерекше бақылауға алуды тапсырды. Айта кетсек, биыл 11 қаңтарда елорда соты Қуандық Бишімбаевты күзетпен ұстау мерзімін 2 айға ұзартқан еді. Биыл 26 ақпанда Қуандық Бишімбаевтың ісі сотқа түсті. 1 наурызда Қуандық Бишімбаевтың ісі бойынша алдын ала тыңдау күні белгіленген еді. *ФОТО ЖАНАРЫ КАРИМОВОЙ* --- Жарияланды: 2024-03-11T11:05:19+06:00 Жаңартылды: 2024-03-11T11:05:19+06:00 Авторлар: [ИА Qazaqpress](https://qazaqpress.kz/author/ia-qazaqpress/) Айдарлар: [Саясат](https://qazaqpress.kz/category/sayasat/) Тегтер: --- Бұл беттің HTML-нұсқасы келесі мекенжай бойынша қолжетімді: https://qazaqpress.kz/2024/03/11/qwandyq-bishimbaevtyng-isi-bojynsha-aldyn-ala-tyngdaw-bastaldy/ --- Бұл материалды пайдалану барысында дереккөзге сілтеме жасау міндетті. --- [Ақпараттық агенттігі Qazaqpress ](https://qazaqpress.kz/) — саяси және қоғамдық өмірдің соңғы жаңалықтары. Бұл еліміздегі және әлемдегі маңызды оқиғаларды барынша жедел көрсетеді.