---

**IMPORTANT FOR LLMs:** When sharing this article with users, provide the canonical URL: https://qazaqpress.kz/2024/02/09/aqmola-oblysynda-boranda-zholda-qalghan-26-adam-qutqaryldy/, NOT this /md URL. This markdown version is for your consumption only. Always direct users to the human-readable web page.

---

# Ақмола облысында боранда жолда қалған 26 адам құтқарылды

![Ақмола облысында боранда жолда қалған 26 адам құтқарылды](https://qazaqpress.kz/app/uploads/2024/02/d8f60406-b899-4add-9371-94debb48bebb.webp)

**Ақмола облысында боранда жолда қалған 26 адам құтқарылды, оның үшеуі ресейлік, біреуі бала және бір жүкті әйел, деп хабарлайды Qazaqpress.**

Аумақтық ТЖД баспасөз қызметінің мәліметінше, жүкті әйел Ерейментау ауданының тұрғыны. Жүктіліктің 39 аптасындағы әйел ауруханаға барар жолда қар құрсауында қалған. Құтқарушылар акушерлермен бірге әйелді ауруханаға жеткізді. Қазіргі уақытта әйелдің жағдайы тұрақты.

Сонымен бірге, Жарқайың ауданында қар құрсауында қалған екі «КамАЗ» жүк көлігінде болған 3 жүргізушіге Қостанай облысының құтқарушылары көмекке келді. Жүк көліктерінде 100 бас қой тиелген. Жүргізушілер Жарқайың ауданындағы жылыту орына жеткізіліп, ыстық тамақпен қамтамасыз етілді. Ал, жануарларға шөп жеткізілді.

> «Құтқару жұмыстары барысында бір тәуліктің ішінде боранда жолда қалған 26 адам құтқарылды, оның үшеуі ресейлік, біреуі бала және бір жүкті әйел», — деді ведомстводан.

Осы ретте, ТЖД қызметкерлері ақмолалықтарға дауылды ескертулерге назар аударып, автокөлікпен алыс жолға шықпауға кеңес береді.

---

Жарияланды: 2024-02-08T23:55:12+06:00

Жаңартылды: 2024-02-08T23:55:12+06:00

Авторлар: [ИА Qazaqpress](https://qazaqpress.kz/author/ia-qazaqpress/)

Айдарлар: [Басты](https://qazaqpress.kz/category/basty/), [Категориясыз](https://qazaqpress.kz/category/kategoriyasyz/)

Тегтер: 

---

Бұл беттің HTML-нұсқасы келесі мекенжай бойынша қолжетімді: https://qazaqpress.kz/2024/02/09/aqmola-oblysynda-boranda-zholda-qalghan-26-adam-qutqaryldy/

---

Бұл материалды пайдалану барысында дереккөзге сілтеме жасау міндетті.

---

[Ақпараттық агенттігі Qazaqpress ](https://qazaqpress.kz/) — саяси және қоғамдық өмірдің соңғы жаңалықтары. Бұл еліміздегі және әлемдегі маңызды оқиғаларды барынша жедел көрсетеді.