№ 7 Алматы қалалық клиникалық ауруханасының 64 жасар пациенті соңғы бірнеше жылда эпигастрия, тамақты сіңіру процесінің бұзылуы, жиі жүрек айну, құсу, іш қату, салмақ жоғалту ауруларынан зардап шекті. Пациенттің жағдайы «қабынған шемен» — кіндігі сыртқа шығып тұрған үлкен көлемді іш.
Ер адамға жату тіпті қиын болды, себебі жату жағдайында жүрек-өкпе жетіспеушілігі өсе түсті. Бір сөзбен айтқанда, өмір сүру сапасы өте қатты зардап шекті. Ол қайда баратынын және ауруынан құтылуға болатынын білмеді. Бір сәтте ол адамға «Жетіге» жүгінуді ұсынды. № 7 қалалық ауруханада оған хирург кеңес берді, емхана жағдайында тексерілді, «Ұйқы безінің жалған жылауығы» диагнозы қойылды, МӘМС шеңберінде Емдеуге жатқызу бюросы порталы бойынша жоспарлы операциялық емдеуге жіберілді.
«Ұйқы безінің жалған жылауығы — бұл сұйықтықтың шектеулі жиналуы, онда панкреатикалық ферменттердің, қанның едәуір көп мөлшері бар, сондай-ақ некроздық (өлген) тіндер болуы мүмкін. Ұйқы безінің жалған жылауығыныңпайда болу себебі — өткерілген панкреатит немесе панкреонекроз, ол жиі өт— тас ауруы, асқазан-ішек жолдарының ойық жара ауруы, алкогольді қабылдау, дұрыс тамақтанбау, іш жарақаты аясында дамиды.
Ұйқы безінің жалған жылауығының белгілері оның көлемі ұлғайған кезде асқынады. Көршілес мүшелердің жылауығының қысылуы, іш қуысында сұйықтықтың жиналуы сияқты. Ұйқы безінің жалған жылауығына күдік туған жағдайда пациент емханаға тіркелу бойынша мамандарға жүгінуі қажет. Диагнозды анықтау үшін УДЗ — тексеру, іш қуысы мүшелерінің компьютерлік томографиясы жүргізіледі», — дейді № 7 ҚКА директоры Манас Рамазанов.
Пациенттің анамнезінен 2015 жылы ол ауыр панкреонекрозбен ауырған. Уақыт өте келе пациентте панкреонекроз салдарынан ұйқы безінің жалған жылауығы пайда болды, клиникалық белгілер байқала бастады.
Пациентке ота жасаған көп жылдық тәжірибесі бар хирург Манас Рамазанов
бұндай науқастар отаға тыңғылықты дайындықты қажет ететінін атап өтті, өйткені олар тамақтанудың бұзылуына және тағамның қорытылуына байланысты ақуыздық энергия жетіспеушілігін дамытады.
«Алдын ала дайындықтан кейін пациент отағаалынды. Күрделі 4 сағаттық операция жасалды. Біз жылауық қуысын асқазанға жалғадық. Ұйқы безінің жалған жылауығының кезінде жылауықтыдәстүрлі алып тастаумен жоюға болмайды, өйткені жылауық ұйқы безімен қосылған және үнемі ферменттер бөледі.Бұл жағдайда біз жылауықты асқазанның артқы қабырғасымен байланыстырдық, осылайша жылауықта сұйықтық жиналмай асқазан-ішек жолына түсуіне мүмкіндік бердік. Сонымен қатар, ұйқы безінің жалған жылауығынабайланысты науқаста операция кезінде қосымша қиындықтар тудыратын қабынған шемен бар. Барлық техникалық қиындықтарға және өзіндік ерекшелігіне қарамастан, ота жоспар бойынша тиісті деңгейде орындалды, ал отадан кейінгі кезең асқынусыз біркелкі өтті», — деп бөлісті профессор Рамазанов.
Тәжірибелі хирургтың жетекшілігімен операциялық топтың жоғары кәсіби біліктілігі, асқан шеберлікпен атқарған жұмысының арқасында науқас аурудың ауыр клиникалық көріністерінен, барлық асқынулар мен қауіптерден арылды, сонымен қатар сыртқы түрінің эстетикалық пішіні зардап шекпейді. Дәрігерлер өз жұмыстарын керемет орындап, пациентке одан әрі сапалы өмір сүруге мүмкіндік берді. Содан кейін бәрі дерлік өзіне байланысты: салауатты өмір салтын ұстану, дұрыс тамақтану, жаман әдеттерден бас тарту — бұл оған осы аурудан біржола арылуға мүмкіндік береді.
Сіз жаңалықтар туралы не ойлайсыз