Шымкентте спорт саласындағы 6 лауазымды тұлға қылмыстық жауапкершілікке тартылуда. Бұл туралы Сыбайлас жемқорлыққа қарсы іс-қимыл агенттігінің Шымкент қаласы бойынша департаментінің басшысы Дәурен Ерғарин мәлімдеді, деп хабарлайды Qazaqpress ҚазАқпаратқа сілтеме жасап.
Бүгінде сыбайлас жемқорлыққа қарсы іс-қимыл агенттігі спорт саласындағы сыбайлас жемқорлық тәуекелдеріне талдау жүргізіп жатыр. Басты мақсат – спортты дамытуға бөлінген бюджет қаражатын жымқырудың алдын алу, сондай-ақ жаттықтырушылар мен спортшылардан заңсыз ақша жинауға жол бермеу.
«Шымкентте спорт саласын дамытуға бюджеттен 27 млрд теңгеден астам қаржы бөлінген. Өңірдегі спорт мектептерінің директорлары мен жаттықтырушыларының, жалпы саны 700-ден астам қызметкердің қатысуымен кездесу өткізіп, бюджеттік қаражатты жымқыру үшін көзделген жауапкершілік талқыланып, түсіндірілді. Жалпы биылдың өзінде аталған салада 7 қылмыс тіркеліп, 6 лауазымды тұлға қылмыстық жауапкершілікке тартылуда», — деді Дәурен Ерғарин.
Сіз жаңалықтар туралы не ойлайсыз