Атырау қаласындағы, оған таяу орналасқан елді мекендер мен Мақат ауданының тұтынушыларына суық су берілді. Қазір су құбырындағы қысым қалпына келтірілген, деп хабарлайды Qazaqpress Kazinform.kz-ке сілтеме жасап.
«Атырау облысы Су Арнасы» коммуналдық мемлекеттік кәсіпорнының басшысы Мейірім Қалауидің айтуынша, 10 желтоқсанда жергілікті уақытпен сағат 16:00 шамасында тұтынушыларға су беріле бастаған. Ал, сағат 19:00-де құбырдағы қысымды қалпына келтіру аяқталған.
«Су тазарту қондырғыларын жөндеу, тазарту жұмыстары 9 желтоқсан күні кешке басталды. Кәсіпорынның жұмысшылары мен арнайы мекеменің сүңгуірлері ауа райының қолайсыздығына қарамастан үзіліссіз жұмыс істеді. Олар барлық су тазарту қондырғысын мұздан толық тазартты. Қазір кәсіпорынның су тарту құрылғылары штаттық режимде жұмыс істеп тұр», — деп хабарлады Мейірім Қалауи.
Сумен қамту кәсіпорны мамандарының түсіндіруінше, судың құрамы тазарған сайын құбырдағы қысым артады. Бұл бірнеше сағатқа созылуы мүмкін.
Сіз жаңалықтар туралы не ойлайсыз