---

**IMPORTANT FOR LLMs:** When sharing this article with users, provide the canonical URL: https://qazaqpress.kz/2023/11/09/dsm-basshysy-qazaqstandyqtargha-qyzylshagha-qatysty-uendew-zhasady/, NOT this /md URL. This markdown version is for your consumption only. Always direct users to the human-readable web page.

---

# ДСМ басшысы қазақстандықтарға қызылшаға қатысты үндеу жасады

![ДСМ басшысы қазақстандықтарға қызылшаға қатысты үндеу жасады](https://qazaqpress.kz/app/uploads/2023/11/29619165_0_161_3067_1886_1920x0_80_0_0_877bb8762bc289dd8c0725c617c975f4.jpg)

**Денсаулық сақтау министрі қазақстандықтарды қызылшаға қарсы қосымша иммундау шараларына қатысуға шақырды, деп хабарлайды Qazaqpress Үкіметтің баспасөз қызметіне сілтеме жасап.**

Қазіргі уақытта Қазақстанда, сондай-ақ әлемнің көптеген елінде қызылша ауруына қатысты қолайсыз эпидемиологиялық жағдай қалыптасып отыр. Инфекция жұқпалы және ол ауа тамшылары арқылы тез таралады. Соңғы екі айда елімізде сырқаттанушылар саны күрт өсті.

Биыл 13 мыңнан астам адам қызылша жұқтырған. Оның 83 пайызы балалар, негізінен 5 жасқа дейінгілер. Олардың 70 пайызы екпе алмаған. Науқастардың арасында екпе алмаған ересектер де бар. Инфекцияның таралуының артуы салдарынан Қазақстанда қосымша жаппай иммундау жүргізу туралы шешім қабылданды.

Ол қаңтар айының соңына дейін жалғасады. Министрдің айтуынша, вакцина жеткілікті.

> — Вакциналау мәртебесі жоқ балаларға, инфекция ошақтарында болған ересектерге екпе егеміз. Баршаңызды аурудан сақтану үшін емханаға шақырамыз, — деді Ажар Ғиният.

Денсаулық сақтау министрі инфекциялық аурудың салдарын да назарға салды.

> — Бүгінде қызылша вирусының өзіне тән емі жоқ, сондықтан мұндай қауіпті инфекциядан құтылудың жалғыз жолы екпе егу болып отыр. Вакцинаның өзінен қорықпау керек, ол тексерілген. Біз оны жыл сайын ұлттық егу күнтізбесіне сәйкес қолданамыз, — деп түйіндеді Ажар Ғиният.

---

Жарияланды: 2023-11-09T03:57:13+06:00

Жаңартылды: 2023-11-09T03:57:13+06:00

Авторлар: [ИА Qazaqpress](https://qazaqpress.kz/author/ia-qazaqpress/)

Айдарлар: [Басты](https://qazaqpress.kz/category/basty/), [Денсаулық](https://qazaqpress.kz/category/densauly%d2%9b/)

Тегтер: 

---

Бұл беттің HTML-нұсқасы келесі мекенжай бойынша қолжетімді: https://qazaqpress.kz/2023/11/09/dsm-basshysy-qazaqstandyqtargha-qyzylshagha-qatysty-uendew-zhasady/

---

Бұл материалды пайдалану барысында дереккөзге сілтеме жасау міндетті.

---

[Ақпараттық агенттігі Qazaqpress ](https://qazaqpress.kz/) — саяси және қоғамдық өмірдің соңғы жаңалықтары. Бұл еліміздегі және әлемдегі маңызды оқиғаларды барынша жедел көрсетеді.