GORILLA STYLE WARS 2023 ХАЛЫҚАРАЛЫҚ ЧЕМПИОНАТЫНДАҒЫ ЕҢ МЫҚТЫ БИШІЛЕР ЖАРЫСЫ

Gorilla STYLE WARS 2023 халықаралық көше би чемпионаты биылғы жылы Қазақстан, Беларусь, Тәжікстан, Қырғызстан және Өзбекстаннан келген hip-hop, popping, breaking және krump стиліндегі үздік бишілердің басын қосты. Айтулы шара жыл сайын ТМД кеңістігіндегі бүкіл би қауымдастығының назарын аударып келеді.

Байланысты

Көзге көрінбесе де, әрбір адам сезінетін жұмыс: Алматының жылу желілерінің апаттық қызметі туралы

Көбірек жекелендіру: TikTok ұсыныстар арнасында контентті басқарудың жаңа функцияларын ұсынды

“Кис-Кись, іздейміз!”: Қазақстанда жоғалған мысықтарды іздеу үшін әлеуметтік геолокациялық сервис іске қосылды

Іріктеу кезеңдері 16 қыркүйек пен 21 қазан аралығында Павлодар, Душанбе, Бішкек, Ташкент, Минск сияқты бірнеше қалаларда өтті. Сайыста 400-ден астам биші өнері мен ерекше стилін көрсете отырып, өзара жарысты.

Чемпионаттың финалы 10-11 қарашада Алматыда өтеді, онда үздіктердің үздігі ең мықты деген атаққа лайық екенін дәлелдейді. Бишілердің стилі мен техникасын АҚШ, Франция, Канада және Оңтүстік Кореяның мамандары бағалайды. Бас төреші – АҚШ-тың әйгілі HENRY LINK тобының ең мықты бишісі, одан бөлек, FABBREEZY, BRUISER, GREENTECK, ZOOTY ZOOT би топтарының бірінен бірі өтетін мүшелері қазылық етеді. Чемпионат бағдарламасында кәсіпқойлардан шеберлік сабақтары да жоспарланған. Ол 11 қарашаға жоспарланып отыр.

Жүлде қоры 1 000 000 теңге. Финалда ұсынылған стильдерде өнер көрсеткен командалардың бірі жеңіске жетіп, ақшалай сыйлықты қанжығасына байлап, сондай-ақ көрерменнің қошеметіне бөленеді.

Gorilla Style Wars басқа жарыстардан ерекшеленеді, өйткені бұл көше биі стильдерінің жарысы. Іс-шара төртінші рет өтіп жатыр және жыл сайын 2000-нан астам адамды жинайды, олар көше биінің шынайы атмосферасына еніп, ең керемет би өнерін тамашалай алады.

Gorilla Style Wars мазмұны жағынан ТМД-да теңдесі жоқ. Бастапқыда әрбір шақырылған судья өзінің номинациясын бағалайды (hip hop, popping, breaking, krump), содан кейін баттл финалистері номинация судьясымен бірге команда құрады, содан кейін әр стиль бойынша командалар бір-бірімен жарысады. Бір ғана стиль жеңіске жетеді. Сондықтан бұл оқиға «style wars» –– стильдер шайқасы деп аталады.

Алматыдағы Gorilla Style Wars финалы осы күздің ең қызықты оқиғасы болайын деп тұр. Бұл барлық би жанкүйерлері үшін нағыз мереке іспетті, онда сіз керемет қойылымдарды тамашалай аласыз, бишілердің энергиясы мен құмарлығынан шабыт аласыз және әлемнің түкпір-түкпірінен келген пікірлес адамдармен сөйлесе аласыз.