Орталық қалалық клиникалық ауруханаға жамбастың перепротездік сынуы орын алған науқас келіп түсті. Науқастың айтуы бойынша, 2019 жылы Оңтүстік Кореяда екі тізе буынына ота жасалған.
«Соңғы кезде сол жақ тізе буынының дұрыс ұстамайтынын байқадым, алайда дәрігердің көмегіне жүгінбедім. Ақырында, міне, көше бойымен келе жатып, аяғым сүрініп кетіп, құлап қалдым, сол кезде өте қатты ауру сезімі болды. Мені жедел жәрдем көлігімен Орталық қалалық клиникалық ауруханаға жеткізді. Барлық қажетті тексеруден кейін травматолог менде жамбас сүйегінің перепротездік сынуы болғанын айтты», — дейді науқас.
ОҚКА травматология бөлімінің меңгерушісі Берік Иргалиевтің айтуынша, науқасқа өте күрделі онкологиялық толық протездеу отасын жасау жөнінде шешім қабылданған. Ота жасауды 4 жыл бұрын тізе буынына қойылған эндопротез қиындатты.
«Бізге протезді алып тастап одан да күрделі ота жасауға тура келді — оң жақ жамбас сүйегін толықтай онкологиялық толық протезбен алмастырдық. Бұлай жасауымыздың себебі, сүйек тінінің болмауына және жіліншік компонентінің тұрақсыздығына байланысты болды. Аталған ота техникалық жағынан өте күрделі, өйткені онкологиялық науқастарға арналған буын эндопротезі әдетте біз қолданатын протездермен салыстырғанда үлкенірек болады. Екі сағатқа созылған ота кезінде сан сүйегінің барлық буынын алып, орнына жасанды буын салуға тура келді. Қуанышымызға орай ота сәтті өтті. Отадан кейінгі екінші күні науқас балдақпен тұрды. 10 күннен соң өз бетімен жүре бастады. Осы уақыт аралығында, бізде ауруханада жатқан кезде науқас реабилитацияның бірінші курсын өтті. Ал қазіргі уақытта науқас үйіне шығарылды. Науқасқа бір айдан кейін екінші реабилитациялық курсты өту керек», — деп қорытындылады Иргалиев.
Бұл жағдай ОҚКА травматолог-дәрігерлерінің заманауи импланттардың алуан түрін пайдалана білуі мен түрлі әдістемені қолдана алуының арқасында травматологиялық-ортопедиялық патологияларды емдеуде науқастың ең ерекше мәселелерін шешуге болатынын анық көрсетті.
Сіз жаңалықтар туралы не ойлайсыз