Рак аурулары – аномальді жасушалардың көбеюі мен шексіз өсуімен ерекшеленетін ауру түріне жатады.
Алматы қаласының №11 қалалық емханасының онкологы Айдын Сатыбаевтың айтуы бойынша, рак ауруының даму себептері әртүрлі факторлар, атап айтқанда, генетикалық, қоршаған орта және өмір сүру салты болып табылуы мүмкін.
Генетикалық фактор рактың дамуында негізгі мәнге ие. Геннің өзгерісі жасушаның өспеуі мен көбейе алмауын бақылай алмауы мүмкін. Рактың тұқым қуалайтын түрі рак ауруын дамытатын қаупі бар анықталған геннен де болады.
Рак ауруының бір себебі – қоршаған орта. Яғни, ласталған қоршаған орта, сәулелендіру, зиянды химиялық қоспалар, инфекциялар, т.б.
Өмір сүру салты да рак ауруын дамытатын фактордың бірі. Темекі шегу, ішімдік ішу, дұрыс тамақтанбау мен физикалық белсенділіктің болмауы рак ауруының дамуына себеп болады.
Ракты емдеу – рак ауруының түріне, ауру сатысына және өзге де факторларға байланысты болады.
Ракты емдеудің негізгі әдістері – ісікті хирургиялық жолмен жою, химиялық және сәулелік терапия болып табылады.
Егер ісік алғашқы сатыда тұрса, ісікті хирургиялық жолмен алып тастау ракты емдеудің тиімді әдісі болып табылады. Ал ісік ұлғайып кеткен жағдайда, хирургиялық әрекеттер мен химиялық және сәулелік терапия қажет болады.
Жалпы айтқанда, ракты емдеу ісі жекелей әрі, әртүрлі факторға қарай жүргізіледі.
Сонымен қатар, ракты ерте анықтау – аурудан сауығып кетуге оңтайлы болады. Осы себепті, онколог әрбір тұрғынның бекітілген емханасынан тегін скринингтен өтіп тұруға кеңес береді.
«Қазақстанда скринингтік тексеру — мемлекеттік бағдарлама, оны онкоскрингтік тексеру барысында рак ауруларының кең тараған сүт бездерінің рагы, жатыр мойнының рагы, тоқ ішек пен аш ішектің рагы секілді түрлерін анықтауға болады. Рактың қауіптілігі туралы айтар болсақ, бұл ауру алғашқы сатыларында ешбір белгісіз дамитын болғандықтан, адам өзін толықтай жақсы сезінсе де, скринигтен белгіленген жастық кезеңде өтіп отыру қажет» — деп айтады онколог.
ЖТД ісік ауруына күманданса немесе анықтаса, емделушіні емхананың онколог маманына қосымша тексеруден өтуге жібереді.
Егер онколог рак ауруын растаған жағдайда, емделушіні Алматы онкологиялық орталығына кеңестік-диагностикалық бөліміне жібереді.
Discussion about this post