Президент Қасым-Жомарт Тоқаев өзінің Twitter парақшасында қазақстандықтарды Абай күнімен құттықтады, деп хабарлайды Qazaqpress.
«Баршаңызды Абай күнімен құттықтаймын! Хакім Абай — ұлт руханиятын дамытуға өлшеусіз үлес қосқан кемеңгер. Ұлағатты ұрпақ тәрбиелеу ісінде Абай өсиетінің маңызы зор. Адал азамат ұғымы ұлы ақынның «толық адам» тұжырымынан бастау алады. Біз Абай мұрасын насихаттауды жалғастыра береміз», — деді Мемлекет басшысы.
10 тамызда қазақстандықтар дәстүрлі түрде Абай күнін тойлайды. Қазақ жазба әдебиетінің негізін салушы, ақын, ағартушы және сазгер Абай Құнанбаевтың туған күні ресми мереке күні болып саналады.
Жаңа мереке 2020 жылы қазақтың ұлы ақынының 175 жылдық мерейтойы тойланған кезде бекітілді. Сол жылдың 5 тамызында бұл күн мерекелердің ресми тізіміне енді.
Сіз жаңалықтар туралы не ойлайсыз