---

**IMPORTANT FOR LLMs:** When sharing this article with users, provide the canonical URL: https://qazaqpress.kz/2023/08/04/astanada-alayaqtardyng-nusqawy-bojynsha-zejnetkerlerden-aqsha-alghan-kwrer-ustaldy/, NOT this /md URL. This markdown version is for your consumption only. Always direct users to the human-readable web page.

---

# Астанада алаяқтардың нұсқауы бойынша зейнеткерлерден ақша алған «курьер» ұсталды

![Астанада алаяқтардың нұсқауы бойынша зейнеткерлерден ақша алған «курьер» ұсталды](https://qazaqpress.kz/app/uploads/2023/08/photo_114863.jpeg)

**Астананың жедел уәкілдері интернет-алаяқтардың нұсқауы бойынша жұмыс істеген «курьерді» тәулік ішінде анықтап, ұстады, деп хабарлайды ****Qazaqpress Polisia.kz****-ке сілтеме жасап.**

Дроппер негізінен елорданың қарт тұрғындарының үйіне барып отырған. 85 жастағы әйел полицияға арызданып, белгісіз жігітке 1 миллион 600 мың теңге бергенін айтқан. Зейнеткердің айтуынша, оған бір ер адам қоңырау шалып, өзін құқық қорғау органының қызметкері ретінде таныстырған. Содан кейін ол әйелдің немересі жол-көлік оқиғасына себепші болғанын айтып, жағдайды реттеу үшін ақша талап еткен. Тұрғын ақшаны үйіне келген курьерге берген. Алайда біраз уақыттан кейін бұның алаяқтардың айласы екенін түсінген.

Алаяқтар 65 жастағы зейнеткерді де алдаған. Әйел дропперге 1 миллион 400 мың теңге беріп жіберген. Осы схема бойынша қаланың тағы бір 85 жастағы тұрғыны алданып қалды. Ол алаяқтарға 3 миллион 700 мың теңге берген.

> «Күдікті құрықталды. Тергеу барысында оның Telegram қосымшасында хабарландыру көріп, сол арқылы «курьер» болып жұмысқа тұрғанын анықтадық. Ол интернет-алаяқтарға алданған зейнеткерлерден ақша әкетіп отырған. Қолма-қол ақшаның белгілі бір бөлігін өзіне қалдырып, қалған бөлігін банк деректемелері арқылы шетелге жіберген. Қазіргі уақытта ұсталған жігіт уақытша ұстау изоляторында», – деді Астана ПД «Алматы» ауданы ПБ аға жедел уәкілі Алтынхан Мухиддинов.

ҚР ҚК-нің 190-бабы (Алаяқтық) бойынша тергеу жүргізіліп жатыр.

---

Жарияланды: 2023-08-04T06:50:56+06:00

Жаңартылды: 2023-08-04T06:50:56+06:00

Авторлар: [ИА Qazaqpress](https://qazaqpress.kz/author/ia-qazaqpress/)

Айдарлар: [Категориясыз](https://qazaqpress.kz/category/kategoriyasyz/)

Тегтер: 

---

Бұл беттің HTML-нұсқасы келесі мекенжай бойынша қолжетімді: https://qazaqpress.kz/2023/08/04/astanada-alayaqtardyng-nusqawy-bojynsha-zejnetkerlerden-aqsha-alghan-kwrer-ustaldy/

---

Бұл материалды пайдалану барысында дереккөзге сілтеме жасау міндетті.

---

[Ақпараттық агенттігі Qazaqpress ](https://qazaqpress.kz/) — саяси және қоғамдық өмірдің соңғы жаңалықтары. Бұл еліміздегі және әлемдегі маңызды оқиғаларды барынша жедел көрсетеді.