Шымкент қаласы әкімдігінің алдындағы фонтанға 10 жасар бала батып кетті, деп хабарлайды Qazaqpress ҚР ІІМ ТЖК баспасөз қызметіне сілтеме жасап.
«24 шілде күні сағат 19:14-те Қаратау аудандық ІІБ-нің 102 пультіне қалалық әкімдік ғимаратының алдындағы субұрқақта бір баланың қаза тапқаны туралы хабарлама түсті», — делінген хабарламада.
Полицейлер 10 жасар жасөспірімнің абайсызда суға шомылу кезінде суға батып кеткенін анықтады. Тексеру кезінде баланың денесінде көзге көрінетін жарақаттар табылмады.
«Полиция кәмелетке толмаған баланың өлімі фактісін ЕРДР-да тіркеді.
Барлық қажетті сараптамалар тағайындалды, оның қорытындысы бойынша процессуалдық шешім қабылданады», — делінген хабарламада.
Discussion about this post